استغاثه لرئيس جهاز القاهره الجديده .. فوضي عارمه في مبني حديث كان المفترض يكون ش… خ_

هذا المبنى كفيل بأن يتم اقالة رئيس الجهاز فورا لانه صورة سيئة للدولة الحديثة التى يتبناها رئيس مصر.

معجنه

دي المشكله تنفيذ بدون تخطيط ولا نظام المهم نقل الناس وااموظفين تائهين ويقولك انا لِسَّه يظبط مكتبي ومفيش اي نوع من النظام ولا خدمات كله عشوائي

ومتى كان المواطن وراحة المواطن داخلة في حسابات المسئولين؟ المواطن مهان وكرامته مهدورة في كل مؤسسات الدولة من أقسام المرور لأقسام الشرطة للشهر العقاري وغيرها وغيرها. أهم حاجة عندهم تحصيل الفلوس فليذهب الجميع للجحيم

انا من الساعه ٩ص لحد الساعة ٣ علشان اعمل ورق في الاخر تعالى بكره

وهما لازم يعملوا حاجات تطلع روحنا
سياسة تعذيب المواطن سياسة تطليع روح المواطن سياسة زُل المواطن
سياسة خلي المواطن يتشاهد ويحمد ربه إنه طلع من عندنا سليم

احنا البلد الوحيد فى العالم اللى بتنفذ وبعدين تخطط لا فيه موقف نركن فيه ولا فيه مكان نصور فيه انا شفت ٣ ايام من العذاب من اول مكنش فيه ماكينة للارقام ولما جابوا الماكينة البيه بتاع الامن اللى واقف قفلها ٩ الصبح وبيقول خلاص شطبنا ودى اوامر المهندسة نهى وبعد خناق ومشاجرات روحت جبت له المهندسة لعنده انكرت انها قالت له انه يوقف الجهاز وعقبال ما دفعت القسط كل يوم السيستم واقع ولما خلصت البيه بتاع الامن طبعا موقفين الاسانسيرات كلها بمزاجهم عشان نطلع المالية ٣ ادوار على رجلنا ويمنعوا الناس تطلع المالية بحجة ان فيه تكدس فوق والناس واقفة ع السلالم والموظفين مش ملاحقين وبعد خناق وزعيق معاهم طلعت لقيت السادة الموظفين متجمعين بيفطروا وعاملين وليمة بعد ما دوخت ع مكان المالية اللى مفيش اى يافطة او ارشادات او حتى حد عارف فين المالية عشان اسلم الشيك اللى بيحصل وبعد كل ده يقولى انزلى صورى الشيك نسختين عشان مفيش ماكينات تصوير لسه مجتش وانزل ٣ ادوار تانى وامشى نص كيلو ادور ع ماكينة تصوير فى التسعين وارجع اتخانق تانى مع موظف الامن عشان اطلع المالية حاجة بصراحة تهريج واستخفاف بالناس ولا مبالاة رهيبة

المفروض اننا نعمل استغاثة لرئيس الجمهورية من ما يجري في بيت الوطن و المرافق و خدمات جهاز القاهرة الجديدة التي لا ترتقي لمعاملة البشر

الحمد لله ربنا نجاني منهم فى الوقت الضايع ??

فعلا حاجه غير منظمه وتجميع الخدمات في دور واحده عمل تكدس غير مقبول ودوشه رهيبه وضغط علي الناس وعلي الموظفين

منتهى الفوضى والعشوائية .. والغريب جدا جدا جدا جدا جدا بقولك التعامل فقط من خلال الشبابيك ومفيش مواطن يطلع للموظفين والمهندسين فوق .. ده معناه أن مصالح الناس كلها تتعطل لأن الشبابيك لا تتعامل سوى على حوالي 40% من مصالح ومشاكل المواطنين .. احترموا عقولنا ومصالحنا .. استقيموا يرحمكم الله

دي معجنة القديم كان احسن ع كدة

لازم الريس يتدخل شخصيا
حاجة غريبة