نزهة الأندلس س و ج س: أقدر أشوف الشقق عالطبيعة؟ ج: تقدر تشوفها وتزور المكان وتدخ… ث_

نزهة الأندلس س و ج
س: أقدر أشوف الشقق عالطبيعة؟
ج: تقدر تشوفها وتزور المكان وتدخل وتلف فيه وفكل العمارات
س: فين المكان؟
ج: تقدر تكتب على جوجل كمبوند نزهة الأندلس وهيوصلك أو تقدر توصل لدار مصر الاندلس شارع الروك فيرا ومن هناك توصل
س: فين البحري؟
ج: البحري جاي من اتجاه الشمال (وممكن شمال غربي) يعني جاي من فوق خالص من عالماستر بلان يعني خلفي عمارات 1 و 2 بحري وخلفي عمارات 3 و 4 غربي وخلفي عمارة 8 شرقي وخلفي عمارات 5 و 6 و 7 قبلي
س: فين مداخل العمارات واعرف منين الأمامي والخلفي؟
ج: مداخل العمارات من على أسفلت الشارع الداخلي للمشروع
س: ترقيم الشقق من عاليمين ولا الشمال؟
ج: ترقيم الشقق من عاليمين سواء كان العمارة المفردة او الزوجية او الثلاثية
س: أعرف ازاي مدخل أ و ب و ج؟
ج: الترقيم بيبدأ من على إيدك اليمين يعني أ عاليمين ب عالشمال دي لو عمارة زوجية ولو عمارة ثلاثية يبقى أ عاليمين ب فالنص و ج عالشمال
يعني كل عمارة مفردة فيها مدخل واحد أ & كل عمارة مزدوجة فيها مدخلين أ يمين وب شمال & كل عمارة ثلاثية فيها مدخل أ يمين و ب فالنص و ج شمال
س: ايه الفرق بين المرحلة الأولى والتانية؟
ج: مافيش أي فروقات فالشقق ولا العمارات والفارق السعر فقط في حوالي 5%
حسب تميز الشقة وسداد ال 10% خلال 3 شهور بدل 6
س: ايه سر التميز الموجود فكراسة الشروط؟!
ج: تميز كراسة الشروط من النورانيات اللي متقدرشي توصل لأسرارها فلا تشغل بيها بالك وركز على مكان شقتك وسعرها أيا كان تميزها
س: ليه في شقق ١٣٠ أغلي من ال١٤٠!؟
ج: لان ال١٣٠ أمامي ومشيها كدة حتى لو مش مقتنع
س: امتى موعد الاستلام؟
ج: مش مذكور فكراسة الشروط ولكن بناءً على خطة الدفع للشقة فالمتوقع الاستلام بعد 3 سنوت بإذن الله
س: لو مستلمتش فالموعد المحدد؟
ج: برااااحتك استلم وقت ما تستلم ولكن المبالغ المستحقة بينزل عليها غرامات
س: الجراج ب 100 ألف هل هو إجباري؟
ج: نعم طبقاً لكراسة الشروط
س: هل في فلوس تانية غير الموجودة بجداول كراسة الشروط؟
ج: نعم في وديعة صيانة 5% وفي 1% مصاريف صيانة عن السنة الأولى وفي 100 ألف باركينج وكل ده عند الاستلام
س: الأفضل التحويل البنكي ولا الكاش؟
ج: التحويل البنكي لانة مشترط التحويل في الكراسة ومانع السداد الكاش ولو رحت فرع البنك هايقولك ممنوع السداد كاش
س: ينفع أدفع من برة مصر؟
ج: تقدر جدا وبكل سهولة ولكن الأفضل التحويل من حساب محلي ليك وانت برة بالجنيه المصري تجنباً لفروقات سعر الصرف في حالة استرداد المبلغ وكمان في حالة لاقدر الله لم يتم الحجز ترجعلك فلوسك بسهولة
س: تصنيف المشروع ايه لإنه نازل تبع صندوق الإسكان الاقتصادي؟
ج: تابع فقط للصندوق ولكن المشروع إسكان فاخر لا يقل فالمواصفات او الجودة عن مشاريع الإسكان الفاخرة ويعتبر حي سكني راقي
س: هل فعلا نسبة المساحات الخضرا ٧٠٪؜!؟
ج: مافيش حد قال كدة ولا الكراسة قالت كدة، الطرق الداخلية والخارجية والاندسكيب والمناطق المفتوحة ٧٠٪؜ وليست فقط مساحات خضراء
س: موجود مسجد؟
ج: لأ ولكن في مساجد نوعاً ما قريبة
وهاننشر ان شاء الله مجموعة بوستات فيها تصوير للمشروع حاليا ومعدل الانجاز الي وصلة المشروع

.