مصر الرقمية ج_

#هام_جدا ازاي تقدم وتدفع الضريبة العقارية الكترونيًا فى خطوات بسيطة وعن تجربة؟

لو عندك أى وحدة سكنية في مصر كلها مهما كانت قيمتها لازم تقدم إقرار ضريبي قبل يوم 31 مارس سواء هتدفع عليها ضريبة أو معفية فلازم تقدم,

هنقسم الوحدات السكنية لكذا فئة:
– قيمتها تقل عن 2 مليون جنيه يبقى مش هتدفع أى ضريبة عقارية بس لازم تقدم الإقرار
– لو قيمتها تزيد عن 2 مليون جنيه وأقل من 3 مليون هتدفع 120 جنيه
– لو قيمتها 3 مليون هتدفع 1330 جنيه
– لو قيمتها 5 مليون هتدفع 3900 جنيه
– لو لا قدر الله قيمتها 9 مليون جنيه هتدفع 8940 جنيه

وضريبة الشاليه اللى قيمته 250 الف جنيه هى 315 جنيه

تسجل الإقرار وتدفع ازاى لو مستحق للضريبة؟
هتدخل على بواية مصر الرقمية https://digital.gov.eg/

هتعمل حساب عليها لو لسه مش مسجل برقمك القومي وشوية بيانات بسيطة تانية وهتلاقي بيانات تانية ليك لما تفتح حسابك على الموقع زي بيانات رخصة القيادة ورخصة العربية وعنوانك بالتفصيل وبيانات تانية..

هتدخل على خدمات الضريبة العقارية وبعدها “تقديم اقرار وحدة سكنية” وهيطلب منك “مستند ملكية + عقد الإيجار إن وجد”

هياخد منك كل بيانات الوحدة السكنية والمكان اللى ساكن فيه ولازم تحط سند ملكية سواء عقد بيع او توكيل ولو مأجر الشقة تحط عقد الايجار ولازم أى مستند منهم يبقى بصيغة PDF…

لو عليك ضريبة تقدر تدفعها اونلاين عادي..

وفى الآخر هيقولك “تم تقديم الإقرار بنجاح”

لو قابلتك أى مشكلة فى الخدمات على الموقع ومش لاقي اجابة لاستفسارك تقدر تتصل على الخط الساخن للبوابة 15288

مصر الرقمية

.