توضيح سريع لموضوع الاقساط بيوم الاستحقاق او السداد:
اولا المبدء العام لمشروع بيت الوطن انه مسعر بالجنيه يعنى انت مشترى الارض من الهيئة بالجنية بس كل الحكاية لما تيجى تدفع بتدفع ما يعادل الجنيه بالدولار يوم السداد ….
يعنى مثال بسيط لو قسط 500 الف جنيه مصرى وكان معاد استحقاقه 01/01/2022 وكان الدولار 18 جنيه يبقى انت مطلوب منك تدفع 28 الف دولار طيب واحد تانى لظروف اتاخر فى القسط 6 شهور وهيدفع يوم 01/06/2022 كان الدولار 15 يبقى المفروض يدفع نفس قيمة 500 الف جنيه بس بالدولار يعنى 33 الف دولار وكمان هيدفع غرامة تاخير لانه اتاخر عن معاده وفى واحد تانى اتاخر سنة يوم 01/01/2023 وكان الدولار 30 يبقى بردو المفروض هيدفع ما يعادل 500 الف جنيه يعنى 16 الف دولار وكمان غرامة تاخير سنة… يبقى فى الاخر كلهم دفعو ما يعادل 500 الف جنيه مصرى نفس قيمة القسط…. انما لو تم تثبيت الدفع على يوم الاستحقاق يبقى واحد هيدفع 500 الف مصر والتانى هيدفع 416 الف جنيه مصرى والتالت هيدفع 840 الف جنيه مصرى ودا غير دستورى وغير قانونى لعدم المساواة بين المواطنين ومخالفة كراسة الشروط…
دا النظام الى كنا ماشيين عليه لحد من اسبوعين لحد موظف افتكس انه الراجل الى اتاخر سنة دا يدفع بسعر الدولار من سنة يعنى يدفع ضعف قيمة القسط… ودا طبعا مخالف مخالفة صارخة وصريحة لكراسة الشروط…
خلاصة القول المستحقات والاقساط بالجنية المصرى تدفع فى اى وقت بما يعادلها بالدولار ومن يتاخر يحسب عليه غرامة تاخير.. اى حاجة غير كدا تبقى غير دستورية وغير قانونية ومحدش هيدفع وكلنا هنمتنع عن السداد..
كفاية انكم اخرتونا فى المرافق والمفروض احنا الى نحاسبكم على ارتفاع اسعار التكلفة الان لو كنا استلمنا من سنين كنا بنينا وخلصنا بنص التكلفة الحالية…
استقيمو يرحمكم الله..
منقول