المطورين وألاعيبهم .. السلام عليكم ورحمة الله وبركاته .. يمكن كلامي النهارده عن … خ_

المطورين وألاعيبهم ..
السلام عليكم ورحمة الله وبركاته .. يمكن كلامي النهارده عن المطورين والاعيبهم كما يظن البعض او كما يطلق عليهم البعض هذا اللفظ .. لكن تعالو ندردش ونفهم الحاصل بالضبط ونفند ما يحدث عشان نقدر نقول الكلام ده صحيح ام لا .. وعايز بس اتكلم عن المشاكل الحاصله دي امتي او هنسميها قبل وبعد يعني قبل التعويم وبعد التعويم ..وكلمة قبل وبعد دي بالضبط زي كده شروق وغروب او الفرق بين ظلام ونهار واضح فالفرق شاسع وكبير جدا .. لان الناس اللي متعاقده قبل التعويم المفروض انه عامل عقد ومتفق وحقه لكن المطور هيكمل ازاي وهيجيب منين فاستحاله يكمل علي الوضع الحالي الا بالتوافق نع الناس والتراضي الا بكده ثروته كلها مش هتكفي تغطية كل العملاء لان الحاصل ده سبب قهري لا دخل له فيه وغصب عنه فلازم نتعاون معاه لان المحاكم والكلام ده صعب جدا والمثل بيقول مووت يا حمار ? فصوت العقل بين الناس افضل ويمكن عجبني تعليق بعض الاشخاص في بوست بالجروب بيقول فيه سيبك من الناس اللي بتنفخ في النار وتسخنك وتدفع فيك دفعا للمشاكل وده مش صح فلابد من التفاهم وهناك ايضا بعض العملاء لم يسددو منذ فتره ده نعمل فيه ايه فسخ العقود معاه !! اقول لا مش صح فمثلا حد شاري مني مدفعش وكان متعثر من اكتر من سنه وكان المفروض افسخ معاه العقد لكن بالتراضي جلسنا سويا وخليناه يدفع المتأخرات بسعر الدولار وقتها وده عدل لان المبني خلصان وكمل وانتهت المشكله لكن برضو النتيجه انه بالتراضي وتتحل المشاكل لكن لو مفيش تفاهم وتراضي الدنيا هتقف وخسارة المطور هتبقي اضعاف فعشان يكمل لازم نحط ايدينا في ايدين بعض وبصراحه ده رأي شخصي وممكن ميكنش مقبول من بعض الاطراف لكن اقول حقك تاخد بيه او لا وبالنهايه الموضوع لا فيها الاعيب ولا فيها غير ان الدنيا اختلفت ولازم نشيل بعض والطرق كثيره بس صفاء النيه والقلوب بين الناس ..

.