? طرح موقع بنك التعمير والاسكان ١٥ / ٤
⏺️ مشروع جنة المنصورة الجديدة
✅ أولا : نبذة عن المشروع
? يقع المشروع في المنطقة الخامسة والسادسة ضمن المرحلة الثانية في مدينة المنصورة الجديدة والتي تقع خلف جامعة المنصورة مباشرة
وأسفل طرح المرحلة العاشرة ( اراضي ) في مشروع بيت الوطن
?عدد وحدات المنطقة الخامسة ( ٢٦٨٨ شقة )
? عدد وحدات المنطقة السادسة ( ٢٦١٢ شقة )
?مساحات الشقق من ١٠٠ م الي ١٥٠ م
? سعر المتر ١٧٥٠٠ جنيه بدون نسبة التميز
? مقدم الحجز ١٥١٠٠٠ جنيه
? الوحدات لها حصة في الارض
? الوحدات كاملة التشطيب ، ويوجد أسانسير في كل عمارة
? لوكيشن مشروع جنة لمن يريد زيارته ??
https://maps.app.goo.gl/QXvFFKdKdFyS1nK7A
********* خبر ومعلومة من وزارة الاسكان **********
✅ ثانيا : خطوات التقديم
? هاتبدأ تسجل اكونت علي موقع بنك التعمير والاسكان وده موجود في الرابط ده ???
https://hdb-reservation.com/hdb/
? بعد ما تسجل اكونت علي الموقع ، هاتستخرج استمارة حجز للمشروع ، ورقم الاستمارة ده اللي هاتحول عليه مقدم الحجز لصالح بنك التعمير والاسكان فرع المهندسين
?فترة التقديم لاستخراج استمارة الحجز وسداد مقدم الحجز من ١٥ / ٤ حتي ١٥ / ٥ / ٢٠٢٥
? بعد ما تسدد مقدم الحجز في خلال ٣ أيام ، هاتستعلم عن استمارتك علي الموقع علشان تتأكد ان مقدم الحجز سمع في استمارتك ، وده هايكون بالضغط علي ايقونة الاستعلام وتختار اسم المشروع وتظغط بحث
هايظهر لك حالة استمارتك ( تم استلام جدية الحجز )
? بعد كده هاتنتظر موعد الاعلان عن يوم الحجز من الموقع وده هايحدد لاحقا
في اليوم ده هاتتدخل بالاكونت بتاعك الساعة ١٠ ص وتختار الوحدة اللي عايز تحجزها وده لازم تكون سريع في اختيار الوحدة لان الحجز سيكون ( بأسبقية حجز )
******* خبر ومعلومة من وزارة الاسكان *********
✅ ثالثا : ما بعد حجز الوحدة من الموقع
?سيتم استكمال نسبة ٢٠ ٪ من قيمة الوحدة بالاضافة الي ١.٥ ٪ مصروفات ادارية خلال شهرين من الحجز
يعني هاتحسب نسبة ٢١.٥ ٪ من قيمة الوحدة وتخصم منها مبلغ ال ١٥٠٠٠٠ جنيه اللي دفعتها كمقدم حجز
? عند الاعلان عن استلام الوحدات هاتسدد ١٠ ٪ من قيمة الوحدة .
? كمان هاتسدد وديعة الصيانة ١١ ٪ من قيمة الوحدة قبل التعاقد ( الاستلام )
? النسبة المتبقية ال ٧٠ ٪ هاتسددها علي اقساط علي ٣ سنوات او ٥ سنوات او ٧ سنوات محملة بفائدة البنك المركزي + ٢.٥ ٪ لوزارة المالية ، ويتم تسليم شيكات بالاقساط لبنك التعمير والاسكان
? يجوز أنك تسدد مبلغ اضافي من ال ٧٠ ٪ عند كتابة الشيكات ويتم احتساب الفائدة علي المبلغ الجديدة ولذلك لتقليل اجمالي الفوائد علي الاقساط
********* خبر ومعلومة من وزارة الاسكان **********
✅ رابعا : معلومات عامة
? تم تخفيض فائدة البنك المركزي ٢.٢٥ ٪ وده هايكون لها أثر ايجابي في تقليل الفوائد علي الاقساط
? للاسف الشديد وزارة الاسكان لم تنشر تفاصيل الوحدات في كراسة الشروط من حيث نسبة تميز كل شقة عن الاخري في العمارة الواحدة ليختار المواطن الوحدة التي يرغب في حجزها
? للاسف بلان العمارات الموجودة في كراسة الشروط ضعيف جدا وباهت جدا وغير موضح عليه مدخل العمارات من اي اتجاه لكي يختار المواطن الوحدة المناسبة له
? للاسف غير موضح في كراسة الشروط لوكيشن المشروع حتي يتطلع الحاجز علي موقع العمارات في أي مكان تحديدا داخل مدينة المنصورة الجديدة
? للاسف غير موضح في كراسة الشروط تاريخ الاستلام المتوقع لهذه الشقق ??
?كراسة الشروط فقيرة فنيا وينقصها الكثير والكثير
هذه كل المعلومات المتاحة لدينا عن مشروع جنة المنصورة الجديدة المتاح حاليا علي موقع بنك التعمير والاسكان
بالتوفيق للجميع ????
#المنصورة_الجديدة
#جنة_مصر
خبر ومعلومة من وزارة الإسكان
وزارة الإسكان والمرافق والمجتمعات العمرانية
بنك التعمير والإسكان HD Bank
جهاز مدينة المنصورة الجديدة
ياريت تعرض مشكلة الطرح المميز ببدر د
كلمت حضرتك في الرسالة
والناس علقوا عندك لثقتهم في صفحتك
بجد الاسكان المتميز ببدر مشكله مع كل الناس
حتى برده فى مشروع ديارنا غير موضح ماستر بلان للمشروع من الاساس وترقيم العمارات طيب انا لما هاجى اختار هختار ازاى
لاول مرة عدم وجود ارقام الشقق والعماير ونسب التميز
الأسعار غالية جدا جدا
فقد يصل سعر الشقة ١٣٠ متر الى حوالي ٥ مليون جنيه بعد إضافة الأقساط
هو ارقام العمارات والشقق هتنزل امتي
ممكن اعرف تفاصيل الشقه بالفوائد هتكون بكام
هل ممكن التعديل في كراسة الشروط لمعرفة الوحدات وارقامها لسهولة الحجز
طب والناس هتختار الشقق ازاي
مش واضح أرقام العمائر ولا ارقام الشقق
أسوأ طرح نزلته وزاره الإسكان
مش معقول نفس الوزير يزود السعر ٥٠٪ عن اخر طرح من ٥ شهور تقريبا و في نفس المكان
اللي بيحصل فاق اصلا المطورين العقاريين
أسعار غاليه جدا جدا جدا 
في شركات بتبيع اقل من الإسعار دي وبدون فائده وقسط 3 و 4 سنوات
وزير الإسكان مش ناقص غير انه يحول الوزاره لشركة تطوير عقاري