#حدث_بالفعل
قصة حقيقية حدثت بالفعل في التقديمات الحالية للأراضي المتاحة حاليا للحجز علي موقع مسكن
#عميلة معانا علي الصفحة
طلبت أن أقدم لها في أراضي الاسكان المتوسطة في مدينة بدر
وبالفعل سجلت لها علي الموقع وطلبت أن تكون نسبة الاستكمال هي ٢٥ ٪ ، وهنا كانت المفاجأة لي
لان كل المتقدمين علي مدينة بدر كاتبين نسبة استكمال ١٠٠ ٪
وطبعا المدينة دي سيكون عدد المتقدمين عليها كثير جدا
حاولت كثيرا أقناعها بكتابة الاستكمال ١٠٠ ٪ ، لانها سيتم استبعادها من القرعة للاسف ،
لكن عندها أصرار كبير أنها هاتتدخل القرعة وهي كاتبة ٢٥ ٪ نسبة استكمال .
لان عدد قطع مدينة بدر ( ٦٠ قطعة ) وسيتقدم عليها المئات وربما الآلاف لهذه المدينة بنسبة استكمال ١٠٠ ٪
وأخبرتها مفيش ليكي فرصة في القرعة وحرام تتركي فلوسك عند الهيئة ٥ شهور ، ومش مستفيدة منها
ونصحتها كثيرا أن لو مش هاتكتبي ١٠٠ ٪ في بدر ، بلاش تقدمي
وأحتفظي بفلوسك معاكي .
#الحالة الوحيدة اللي كنت حزين جدا
وأنا بقدم لها في هذا الطرح ???????
#العبرة
أن فيه مدن ينفع معاها أنك تكتب نسبة استكمال ٢٥ ٪
بسبب أنه يكون متاح في المدينة دي عدد كبير من القطع
وفيه مدن بسبب قلة عدد الاراضي مينفعش تكتب نسبة أقل من ال ١٠٠ ٪ ( السداد كاش )
✅ أخر موعد في التقديم علي الأراضي يوم ٦ يناير
#مسكن
خبر ومعلومة من وزارة الإسكان
ممكن بعد اذنك لو سمحت
لوكيشن السادات وبرج العرب
متزعلش ….التقديم الجاي هيقولك عندك حق. اكتبلي ١٢٠%
محدش بيتعلم الا بعد التجربه
انا كاتب ٢٥%
انا دفعت جديه حجز ( جنه) ورفعت الايصال ع السيت ولسه لعند دلوقتي مكتوب لم يتم السداد
كل مدينة وفيها حيتان في الاخر هوة توفيق من الله
فيه ناس عندها عناد غريب، تقول له مينفعش يقولك بردو هقدم!!
عندي استفسار انا حجزت وحده ف الاعلان الحالي سكن مصر ينفع احجز قطعه ارض متوسط ولا لو قدمت علي الاتنين الطلبين يترفضو؟
بننصح كتير
قلبي الصغير لايتحمل ?? خبر ومعلومة من وزارة الإسكان
مدن ايه الي ينفع معاها 25 % يا باشا كله كاتب 100% في كل المدن ? الفرصه دي مش هتتكر الاراضي دي مش هتيجي تاني خلاص و كمان خد عندك التجار و بالزات جماعه كفر الشيخ ماشاء الله بيقدموا ب 50 اسم.مع احترامي لكفر الشيخ. حرفيا بلد حيتان. لاء و مطروح طلعوا حيتان نازلين علي برج العرب ب 100 اسم اقل تاجر فيهم. بيقدموا ف اي قرعه ب 100%. داحنا غلابه يعم? واحد من شويه بيقولي الاسامي وصلت 100 الف ? الله اعلم بقي? بس خربانه و بايظه علي الاخر