#شكاوي_المتابعين
استشارة لو سمحت
اخويا كان مقدم في الاعلان ١٤
سكن لكل المصريين ١
شقق اسكان متوسط ١٢٠
المستعلم كلمه وحصل معاه الاتي
حسبنا الله ونعم الوكيل
لسة مقابل المستعلم حالا على قهوة عنده
ومن غير مايشوف بطاقتي ولا ورقي.. اول ما قعدت معاه قعد يهول في كل حاجة ويكدب ان عندي مشكلة عشان غيرت الشغل وكده ورقي هيتأخر ولازم اروح البريد ادفع ١٥٠ ج اعادة استعلام وتحديث بيانات وهري كتير كده…. وانا هوفر عليك كل ده وهديك اولوية في البنك بس هات 1200 ج
قولتله ماقدرش
مانتظرش حتى اكمل كلامي… قالي خلاص.. حد هيروحلك البيت والشغل القديم والشغل الجديد… وريني كراسة الشروط
وريته… مابصش على حاجة تاني
طلع سجاير يشربها وقالي ابعتلي بس صورة البيت (لا قال تايم ستامب ولا غيره)
وسأل الشقة ملك مين؟
والدتي
عايشة؟
اه الحمد لله
عايش هناك من امتى؟
طول حياتي
اسامي الجيران؟
خالي وخالتي
قالي ماينفعش… وكتب في ورقة بياناتي اللي معاه اسامي من دماغه… وان الشقة ملك الوالدة وانها على قيد الحياة واني هناك منذ الولادة
وشكرا..
سلام
سلام
ربنا يستر
أنا هبعتله صور لكل حاجة بإذن الله… البيت والشغل القديم والجديد بتايم ستامب وباقي الورق
بس ماعرفش اقول ايه لو الصندق كلمني وسألوني طلب فلوس ولا لأ
اقول انه طلب فلوس ولا ماقولش يمكن تعدي على خير؟
لو حضرتك عندك فكرة
يتصرف ازاي في الموقف ده؟
#رسالتنا للمستعلم
خاف الله والله بتعمله ده حرام
أنك تستغل حاجة الشخص للشقة في أنك تبتزه في فلوس علشان تظبط له نتيجة الاستعلام
الفلوس دي لو خدتها حرام عليك وعلي أهلك
ايه اللي بيحصل ده ياجماعة
الناس بتستغل بعضها ليه ???
#ياريت نصيحتكم للشخص صاحب المشكلة
خبر ومعلومة من وزارة الإسكان
ما يسمحش لحد انه يبتزه
ولو له نصيب في حاجة هينالها بفضل الله
شئ طبيعي ومعتاد يحصل
معظم المستعلمين ، بيطلبوا فلوس الا من رحم ربي ، ومعروفه لدي الجميع ، لازم يكون في تظلم ويكون في اليه لتقديم شكوي في المستعلم
للاسف شركات الاستعلام مرتبتها ضعيفة جدا لا تغطى تكاليف المواصلات ولا المصاريف الى بيصرفها المستعلم طوال اليوم وبالتالي نتيجة طبيعية ان المستعلم يطمع ف فلوس من العميل الأساس غلط لو ان الشركات دى وفرت مرتب كويس للمستعلم ميش هيطلب فلوس حتى ولو حصل هيبقى عدد قليل وسهل معرفته بالرغم من ان الشركات بتاخد مبالغ كويسه من البنوك بس المرتبات ضعيفة
انا ميش ببرر تصرف المستعلم بالعكس ان شايف ان دة حرام وفلوس حرام تقبلها انا بنقل الى بيحصل بالظبط ودة عن تجربة انى كنت شغال من قبل فى أحد شركات الاستعلام
كنت عايزة اسأل هل الشقق دى هتنزل تانى ولا مش هتنزل
هل لو واحد فى شقة تمليك لا يستطيع يقدم فى سكن مصر؟
بص يا باشا اولا لو تركت الشغل اللي كنت مقدم بيه مفيش اي مشكله حضرتك هتحضر إخلاء طرف من الشغل القديم أو استماره 6 فصل تأمينات ..وهتحضر مفردات مرتب من الشغل الجديد ده بالنسبه للشغل موضوع بقا السكن أنه باسم الوالده وهي علي قيد الحياه مفيش فيه لي مشاكل … المشكله الوحيده كانت هتبقي لو لا قدر الله أن الوالده متوفيه وان المنزل باسمها وحضرتك ليك وحده كامله ( شقه) من الإرث وده طبعا بعد ما يسالك البيت كام دور وكام شقه في الدور وعدد الاخوه الإناث والذكور ….غير كده بلح وانا بقولك اعمل إخلاء الطرف ومفردات مرتب من الشغل الحالي وقدمه ليه
كنت اديته الفلوس بدل مضطر
اعمله محضر
يبلغ عنه