#شقق_المغتربين
تعديل في الخطة
النهاردة وقفوا تسجيل حتي مسلسل ٢٣٠٠
ومش هايسجلوا الحوالات الباقية بعد كده
✅ اللي حوالته لسه لم تسجل ومجاش ترتيبها ومبلغها يغطي مقدم الحجز في الوحدات المتاحة علي الموقع حاليا
في مدينة ( المنصورة الجديدة – العلمين الجديدة – مدينتي )
هايبعت لهم ايميل بالنص المكتوب في الصورة المرفقة
وطبعا لازم يستخرج كود للشقة الجديدة اللي عايز يحجزها
✅ هايستقبلوا الايميلات بداية من اليوم وغدا
بعد كده هايسجلوا الحوالات اللي أرسلوا ايميلات وكل حاجز بترتيبه في كشوفات البنك المركزي
? مفيش تقديمات جديدة حاليا للمغتربين
خبر ومعلومة من وزارة الإسكان
بالتوفيق للجميع ??
هيتم التمثيل بالمغترب والنهاية محامى وقضايا علشان تسترد التحويل وناس ممكن تنزل نهائي وحسابات تغلق وهتشوف كوارث علشان مافيش مسئول بتحاسب فى مصر
منتهي الجهل والعشوائية كالعاده
اسوأ تجربة ممكن اي حد عاقل يمر بيها
افرض محدش شاف او عرف التنوية ده وكان عاوز يخصص يبقي كده شكرا ??
ازاي الموقع يفتح من مصر بعد اذنكم
مافيش غير حسبي الله ونعم الوكيل فيهم بجد
طيب قدمنا طلب استرداد هيكون ايه مصير الناس ال مش عايزه شقق ولا هتعوز شقق ولا هتحلم ولا هتفكر مجرد التفكير فى الشقق
الموقع مش راضي يفتح هل في مشكلة ولا عندي انابس
وحدات مدينتى اتشالت من الموقع مش موجوده … ازاى احجزها ؟؟
أحب أوضح أن الهيئة بتفقد مصداقيتها في تعاملاتها. النقاط التالية بتوضح:
1. قالوا التخصيص هيكون بعد 20 يوم وبدأوا متأخر.
2. قالوا هيسجلوا 250 كود يومياً، مع إن ده معدل ضعيف جداً وما التزموش بيه.
3. قالوا هيعملوا موضوع الزيادة دفعه التحويل وبعد كده مسمعناش عنه حاجة تاني.
4. عايزينا نبعتلهم إيميل بالوحدات اللي عايزين نحجزها، فضلاً عن إن مفيش أي شفافية أو احترافية في التعامل.
ده كيان اتحول ليه ملايين الدولارات، والمفروض يكون فيه وضوح والتزام.
كل يوم قرار جديد
طب واللي عايز يسترد؟؟