#طرح_المغتربين
✅✅المرحلة العاشرة لشقق المغتربين
ده شكل الاكواد لما تبدأ لجنة بيت الوطن في نشر الاكواد علي موقع الهيئة الخاص بمشروع بيت الوطن
? تبدأ اللجنة في نشر ٢٠٠ كود في اليوم الواحد بأجمالي ١٠٠٠ كود في الاسبوع
?? بعد ما يتم نشر الاكواد علي الموقع
كل شخص أشترك في طرح المغتربين وحول مقدم ابحجز لشقق جنة وشقق مدينتي هايبحث في الاكواد المنشورة علي الموقع علي الكود اللي حول عليه مقدم الحجز
?? كل شخص وجد الكود بتاعه في الكشوفات دي
هايعرف موعد الكود بتاعه يوم ايه
هل هايكون يوم الاحد ولا الاثنين. ولا الثلاثاء ولا الاربعاء ولا الخميس
#خبر_ومعلومة_من_وزارة_الاسكان
?? لما تعرف اليوم بتاعك
في اليوم ده هاينزل لك المبلغ بتاعك في خانة المبلغ المدفوع
في اليوم اللي ميعاد كودك فيه هاتفضل منتظر مبلغك ينزل في صفحة الطلبات في خانة المبلغ المدفوع .
?? لو الشقة اللي انت حولت عليها مقدم الحجز اتخصصت لشخص أخر سبقك في التحويل
وكان قبلك في ترتيب الاكواد وحجز الشقة اللي انت مكود عليها ( هايكون من حقك وقتها لما المبلغ بتاعك ينزل في خانة المبلغ المدفوع أنك تحجز شقة أخري متاحة علي الموقع بشرط أن المبلغ بتاعك يغطي مبلغ الشقة الجديدة
?? لو انت مكود مثلا علي شقة في جنة زايد
ولما جه دورك في الترتيب ، وجدت أن شقق جنة زايد كلها اتحجزت ، تقدر وقتها تحجز شقة في اي مدينة اخري
مثل ( جنة ٦ أكتوبر ، جنة القاهرة الجديدة) بحيث مبلغك يكون مغطي الشقة اللي هاتحجزها .
?? طبعا علي الوضع الحالي الشقق الموجودة علي الموقع هاتتخصص في أول اسبوع ( يعني في أول ١٠٠٠ كود )
?? طبقا لتصريح وزارة الاسكان ان تحويلات الشقق في اليوم الاول كان ٢٨٢٢ تحويل ، وباقي الايام التالية تقترب من اجمالي ٥٠٠٠ تحويل للشقق
وزارة الإسكان والمرافق والمجتمعات العمرانية
#المطلوب من الهيئة الان
هو زيادة عدد الشقق علي الموقع بحيث تستوعب أكبر عدد من تحويلات المغتربين للشقق
#وننصح الهيئة بأتاحة شقق في مشروع دار مصر وسكن مصر في هذا الطرح ( أذا كان متاح )
✅ ملحوظة هامة
علشان تقدر تحجز الشقة اللي انت عايزها ، لابد أن يكون مقدم الحجز اللي انت حولته يغطي مقدم حجز الشقة
✅ خطأ كبير وقع فيه بعض المغتربين
بعض المغتربين أعتقدوا ان مطلوب منهم أنه يحولوا ١٠٠٠ دولار لحجز الشقة ( وهذا خطأ كبير )
?? المفروض اللي بيحول ١٠٠٠ دولار فقط ده اللي ليه حوالة سابقة عند الهيئة ولم يستفيد بها في اي حجز
علشان كده بيحول ١٠٠٠ دولار علشان ياخد ترتيب في الحوالات .
وبعد كده بيرسل ايميل بضم حوالة ال ١٠٠٠ دولار للحوالة السابقة عندهم ??
?? لن يتم تخصيص الشقة لك الا اذا كان مبلغ الحوالة يغطي مقدم حجز الشقة التي تريد حجزها
#علي سبيل المثال
??انت حولت مبلغ ١٥٥٠٠ دولار
ولما جه دورك كانت الشقق اللي مقدمها ١٥٠٠٠ دولار اتحجزت ،
لما ينزل المبلغ بتاعك في يومك في الكشف
هاتبدأ تشوف الشقق اللي اقل من ١٥ ألف دولار
وتحجز واحدة ، حتي لو كانت في مدينة مختلفة عن المدينة اللي كنت عايز تحجز فيها
✅ متوقع ان شاءالله بدء نشر الاكواد علي موقع الهيئة
خلال الاسبوعين القادمين ??
خبر ومعلومة من وزارة الإسكان
#شقق_جنه
#شقق_مدينتي
هو أصلا متاح تقديم حاليا للمغتربين؟
السلام عليكم
ممكن اعرف هو التقديم لسه شغال ولا لا ؟
Ramadan Abou Hashem
لو سمحت سؤال هام ….انا نازل مصر اجازه شهرين من منتصف الاسبوع القادم ….ازاى اقدر اعرف اتابع طلبي والموقع مش بيفتح من داخل مصر وشكرا جزيلا لحضرتك
مفيش اخبار ياهندسه عن النتيجة
أنا في مصر وبحاول ادخل علي الموقع مش راضي يفتح
هل اقدر احول ولا اتقفل للمغتربين!!
هما هيعلنوا الاكواد امتي لو سمحت ياريت نعرف؟؟
امتي هيبان
ممكن اللينك نقدم في جنه مصر
انا عملت التحويل من يوم ٢٠ ومجاليش رساله تاكيد استلام التحويل
م
الويبسايت واقع
في اي معلومة عن رد الدفعات المقدمة لاراضي الطرح التاسع والتي تم تحويلها بالدولار بشهر سبتمبر 2023 حتي الان لا حس ولا خبر بالله عليكم محتاج اجابة
السلام عليكم ورحمة الله وبركاته، عندي سؤال بخصوص استرداد الدفعات المقدمة لاراضي الطرح التاسع والتي تم تحويلها بالدولار حتي الان لا حس ولا خبر بالله عليكم محتاج اجابة
لو الكود بتاعى قبل كود حد حول مقدم الحجز قبل منى الاولوية لمين
هو انت جايب المعلومات دي منين!؟ ياخوانا مش اي حاجه تشوفوها تصدقوها والمعلومات دي غير صحيحه والنظام ده غير واقعي وغير صحييح!!
يافندم ياريت تنادو ان التخصيص يبقي قرعه بين المحوليين ايه ميزه اللي حول قبلي بيوم او يومين احنا الاتنين دفعنا نفس المبلغ ايه الذل ده كل حاجه لازم يوجعو قلبنا فيها كده
المفروض لو اكتر من واحد عامل طلب علي شقه معينه تبقي قرعه بينهم مش باسبقيه التحويل
ياريت توضيح الية الاسترداد والمدة التى يستغرقها
لان من الواضح ان اكتر من ثلثى المحولين مش هيلحقوا الشقق حتى لو تم زيادة عدد الشقق
طيب امتي استرد فلوسي
Mohammed El Tantawy
يعني ايه موعد الكود بتاعة
ازي احجز
طيب اللي محول علي شقق جنه وما جاتش ينفع يحجز في شقق مدينتي
خبر ومعلومة من وزارة الإسكان
Haytham Abo El Naga
ازاي هعرف إذا اتحجزت لحد تاني ولا ليا
الكلام مش مفهوم
يا ريت شرح لموضوع موعد نزول الكود..
هل هو اليوم اللي بيظهر فيه الكود في الجدول؟
معلش .. فضلا شرح
Haytham Elhadad