✅ طرح مارس ٢٠٢٣
الطرح ده كان في شهر يناير وتم تأجيله الي ٢٠٢٣
وتم حجز الوحدات من موقع بنك التعمير والاسكان
? المشروع الاول : دار مصر
المشروع ده ساكن منذ سنوات والشقق جاهزة بالفعل
١ – مدينة دمياط الجديدة : تم التسليم ??
٢ – مدينة ١٥ مايو : لم يعلن عن الاستلام
٣ – مدينة العبور : لم يعلن عن الاستلام
٤ – مدينة برج العرب الجديدة : لم يعلن عن الاستلام
مع العلم أن فيه دفعة استلام ١٠ ٪ المفروض تسدد للهيئة عقب الاعلان رسميا عن التسليم
ما سبب تأخير تسليم هذه الوحدات للحاجزين ؟؟؟
************************************
? المشروع الثاني : جنة
١ – مدينة القاهرة الجديدة : لم يتم التسليم
٢ – مدينة الشيخ زايد : لم يتم التسليم
٣ – مدينة ٦ أكتوبر : لم يتم التسليم
٤ – مدينة المنصورة الجديدة : جاري التسليم الان
٥ – مدينة دمياط الجديدة : تم التسليم ?
٦ – مدينة ملوي : لم يتم التسليم
? ما سبب تأخير تسليم هذه الوحدات ؟؟؟؟
*******************************
? المشروع الثالث : سكن مصر
١ – مدينة الشروق :
جاري التسليم حاليا، بدون أعلان رسمي علي موقع الهيئة، مما يوضح لنا مدي الخلل الموجود داخل قسم الشئون العقارية والتجارية بالهيئة
٢ – مدينة أكتوبر الجديدة : تم التسليم بدون أعلان رسمي ‘ حيث أنه من المؤكد أن بعض الحاجزين ليس لديهم علم بموعد الاستلامات الشفوي التي تمت.
٣ – مدينة العلمين الجديدة :
جاري التسليم حاليا، بأعلان رسمي تم نشره سابقا علي موقع هيئة المجتمعات العمرانية ??
٤ – باقي المدن لم يعلن لها عن أي أستلام
مثل مدينة دمياط الجديدة او المنصورة الجديدة او العبور الجديدة او القاهرة الجديدة ٠٠٠٠٠٠٠٠٠٠٠ أو غيرها
⬅️ هل التقصير من جهاز المدينة أم من الهيئة نفسها؟
******************************
? المشروع الرابع : الاسكان المميز الساحلي
١ – مدينة دمياط الجديدة : تم التسليم ??
٢ – مدينة العلمين الجديدة : جاري التسليم الان ?
٣ – مدينة المنصورة الجديدة : لم يعلن عن الاستلام، مع العلم أن الشقق جاهزة للاستلام، ولا نعلم سبب هذا التأخير الغير مبرر ??
**********************************
? المشروع الخامس : شقق قطامية جاردنز
هذا المشروع الذي تمتلكه الهيئة كحصة عينية لها في مشروع لشركة شمال افريقيا بالتجمع الخامس،
وكما نعلم أن الهيئة لم تعلن رسميا علي الموقع لديها عن موعد التسليم الفعلي للوحدات
لكن بعض الحاجزين الذين يريدون استلام الوحدات بسبب ظروف خاصة بهم، توجهوا لفرع بنك التعمير والاسكان المكلف بهذا الطرح ( فرع ذاكر حسين)
وبدأو في سداد دفعة الاستلام ال ١٠ ٪، وتسليم شيكات للاقساط سواء علي ٣ سنوات او ٥ سنوات او ٧ سنوات
وتوجهوا لجهاز مدينة القاهرة الجديدة لاستلام خطاب استلام الشقق للذهاب بها لشركة شمال افريقيا لسداد وديعة الصيانة واستلام الشقق
ولكن كانت المفاجأة
وهي مطالبة شركة شمال افريقيا للحاجزين بمبلغ ١٠٧ الف وهذا غير مبلغ وديعة الصيانة
وعند الاستفسار عن هذا المبلغ
أخبروهم نصيب الوحدة من الغاز والاسانسير والمصروفات الادارية والخطابات والمراسلات،،،،،،،،،،،،،،
#للعلم
أن هذا المبلغ المطلوب من كل شقة ١٠٧ الف
لم يذكر في كراسة الشروط نهائيا قبل الحجز
وبالتالي للاسف
هيئة المجتمعات العمرانية الجديدة تركت الحاجزين في مشروع قطامية جاردنز فريسة سهلة لشركة شمال أفريقيا تتحكم فيهم كيفما تشاء
عايز تستلم شقتك أدفع المبلغ الخزعبلي اللي أحنا طالبينه ، وكمان ليس لك حق تعترض لاحقا
وبيوقعوا الحاجزين علي اقرار بعدم الاعتراض مستقبلا
? دور الهيئة فين كمالكة للمشروع ???
*******************************
الحقيقة واضحة للجميع
الهيئة لديها خلل كبير في القسم المسئول عن مشروعات الوزارة وأخص بالتحديد ( قسم الشئون التجارية والعقارية)
دلوقتي الحاجزين في كل المشروعات المذكورة اعلاه
عايزين يستلموا وحداتهم المتأخرة منذ سنة،
الحاجزين عايزين يسكنوا في شققهم يا وزارة الإسكان والمرافق والمجتمعات العمرانية
فيه تقصير واضح وظاهر للجميع
متي سنري حل هذه المشكلات الادارية ؟؟
#سكن_مصر
#الاسكان_المميز
#دار_مصر
#جنة_مصر
#قطامية_جارنز
#خبر_ومعلومة_من_وزارة_الاسكان
طب اخبار اسكان دمياط شطا اي احنا مقدمين بقلنا 8 سنين وبندفع اقساط
جنة اكتوبر العمل متوقف بها منذ حوالي ستة اشهر طوال هذه الفترة الشركة المنفذة لم تقم باي اعمال رغم صرفها المستخلصات المالية المتفق عليها ، والاغرب هو دور الهيئة والجهاز السلبي للغاية وعدم الضغط علي الشركة بأي شكل من الاشكال والمتضرر هو من اشترى امتى الاستلام عايزين حد يجاوبنا بوضوح كان ميعاد التسليم المعلن من قبل الهيئة يوم ٣١ /١٢ والى الان العمل متوقف ولا نعلم من المسؤل عن هذا التاخير ولا يوجد عمل في الموقع
شركة جلوبال واخده معظم المشروعات وبالنسبه لمشروع جنة اكتوبر حرفيا معملوش حاجه طول السنه غير بند السيراميك ولسه كمان باقي عماير متعملتش والجهاز نايم وقليل الحيله مين المسؤول عن هذا التاخير ومن يتحمل المسؤولية
ياريت الوزير يدخل دا مشروع حكومى
Asmaa Elkholy
نرجو منك ان تتكلم في منشور عن إعطاء تيسيرات لسداد الاقساط المتأخرة نظرا للظروف الاقتصاديه
تحياتي لحضرتك والصفحه اصبت كبد الحقيقه فعلا هناك تراخي شديد فى تسليم المشروعات ولاندري ماهو السبب استمر فى النشر والضغط الكلمه اقوي من الرصاص
مشروع جنة اكتوبر العمل شبة متوقف في الطرح الاخير
التسليم اتأجل بدون اسباب ولا البنك بيفيدنا ولا الجهاز بيفيدنا
اتمنى صوتنا يوصل للسيد رئيس الوزراء ويشوفلنا حل خاصة ان كل المباني جاهزة ومتبقي بعض التشطيبات
شكرا للقائمين على الصفحة وعلى اهتمامكم بهذا الأمر بالفعل. جنة أكتوبر الطرح الثامن تم الترويج أن الوحدات جاهزة للتسليم. منذ عام، لم نجد أي تقدم. تم تقديم العديد من الشكاوى لجهاز 6 أكتوبر دون جدوى، والهيئة لاتستجيب للشكاوى ايضا.من المسؤل عن ضرر الحاجزين ومن يضع نهاية لهذا الأهمال
هي المشاريع دي بتنزل فين وتقديمها وسنوات التقسيط والفايده كام
حد واخد في جنة اكتوبر يعرف دفعة الاستلام هتكون باي فرع من فروع بنك التعمير
انا كنت في جنة اكتوبر من اسبوعين ومهندس هناك قالي لو استلمتوا اخر السنه دي يبقي ربنا كرمكم انا مش عارف جهاز اكتوبر فين بصراحه حاجه تقرف
شكرا صفحه “خبر ومعلومه من وزاره الإسكان” واهتمامهم ، احنا حاجزين جنة أكتوبر المرحلة الثامنة منذ أكثر من عام كوحدات جاهزة للتسليم. وقمنا بزيارة الجهاز اكثر من مره ولم نستلم الي الآن وكل مره يبلغونا بمواعيد لا تتحقق، وعندما نواجههم بذلك يرموا المسؤليه علي المقاول والتأخير وظروف البلد
ولا نعلم الي أين سوف يذهب الامر فنحن متضررون ونريد حل فنرجو من الساده المسئولين النظر في الأمر وشكرا مره أخري للصفحه والقائمين عليها
تكميلي جنه أكتوبر ايه الاخبار ولاحس ولاخبر فلوسنا بقالها سنه
جهاز مدينه جنة اكتوبر نايم في العسل ومش عارفين لصالح مين؟!.
حتي الآن مفيش اي شقة اتسلمت في الطرح دا ومفيش إنجاز علي الارض في الاشغال اصلا، رغم أن اللي فاضل بس التشطيبات واللي المفروض تخلص من شهور طويلة.
جهاز جنة اكتوبر مليان فساد
كلام صحيح
جنة اكتوبر العمل متوقف بها منذ حوالي ستة اشهر طوال هذه الفترة الشركة المنفذة لم تقم باي اعمال رغم صرفها المستخلصات المالية المتفق عليها ، والاغرب هو دور الهيئة والجهاز السلبي للغاية وعدم الضغط علي الشركة بأي شكل من الاشكال
جنة اكتوبر المرحلة الثامنة مفيش اي اعمال علي أرض الواقع من شهر فبراير 2023 مش عارفين المشكلة عند الجهاز ولا عند شركة جلوبال المنفذة للمشروع ومفيش اي اجراء من الجهاز ولا حتي مجرد تنويه حسبنا الله ونعم الوكيل
الى متى..
النوم فى العسل ….
جهاز تعمير دمياط الجديده….
حتى الآن لم يتم الإعلان عن موعد تسليم شقق سكن مصر…
اكثر من عام …….
محتاجين كم عام …..
ليقوموا بدورهم…….
Ahmed Raafat Al-Sawi
جنة اكتوبر العمارات فاضل فيها تشطيبات بسيطه ومفيش اي انجاز من وقت ما الطرح نزل الي الان مفيش اي تطورات
عشان هيئه المجتمعات بتخصص الشقق مباشر للجمعيات والافراد الي ليها معاهم مصالح
دمياط الجديدة حتى الآن لم يتم تسليم شقق سكن مصر والبنك والجهاز لم يعلمو موعد التسليم ليخبروه للناس
طيب والطرح التكميلي لشقق جنه فين ياجماعه دي فات أكثر من سنه والفلوس عندهم حسبنا الله ونعم الوكيل
بالنسبة لجنة اكتوبر
يا ريته على التسليم بس اللي متحددش
الاعمال نفسها على الارض واقفة من ساعة ما الشقق اتخصصت
معدل تقدم اعمال بطئ جدا لا ينذر بالخير ابدا
و مفيش اي ضغط على المقاول من جهاز مدينة اكتوبر او هيئة المجتمعات العمرانية المالكين للمشروع
شركة جلوبال واخده معظم المشروعات وبالنسبه لمشروع جنة اكتوبر حرفيا معملوش حاجه طول السنه غير بند السيراميك ولسه كمان باقي عماير متعملتش والجهاز نايم وقليل الحيله مين اعطي مناقصه بالحجم دا لشركه واحده والموضوع اكبر منها بكثير دا فساد كبير
تم
صفحة محترمة جدا .. استفدت منكم كتير?
برج العرب كلها اتسلمت في الصيف من يوم 11/7/2023 وبرضه في مبلغ ادفع في الجهاز نصيب الوحده في شبكات والغاز.
حوالي 15 الف شامل تمن عداد المياة.
ولسه توصيل الغاز والكهرباء كلة بفلوس
تم
حضرتك في دلوقتي تقريبا فوق ال ٣ عمائر ف سكن مصر الشروق بيتم بيعهم تحت مسمي تخصيص شرطة بيطلب ٢٠٠ الف للجواب و ٧٥٠ اوفر و ٢٥ للجهاز عشان التنازل و لسه مدفعش فيها ولا قسط طبعا
انا مش قادره افهم كل دا منزلتش طرح ليه ؟!
???
فشل ذريع مش مفهوم .. الفكرة إن بنك التعمير والاسكان بيخيرك بين حاجتين يا تتعاقد وتدفع أقساط والاستلام العلم عند الله .. يا البنك يرفض التعاقد معاك لحين ما يجيله خطاب بأرقام العمارات من الجهاز يقوله تمم إجراءات التعاقد .. ده تهريج الحقيقي والناس محتاجة تعرف رأسها من رجليها !