كلمتين لوجه الله
قرار حجزك من عدمه قرارك الشخصى
احنا بننصح ونتكلم بناء على كل المعطيات وكراسة الشروط والمعلومات اللى بتوصلنا.
و حتى وقت البوست سعر الأرض فى التكميليه دولار فقط لا غير و المنطق بيقول ان الارض بالدولار فقط دون سعر تثبيت منتهيه استثماريا الا لو انت شخصيا شايف غير كدة.
بس هتلاقى فى ناس بتحاول توجهك بشتى الطرق وهسرد معظم الكلام اللى بيتقال :
-نظرية المؤامره ان الناس بتكره الحاجزين علشان هما اللى ياخدوها طب ما اللى هياخدها الله يعينه ويسترها معاه ارض سعرها بالدولار فكر انت الاول هل الارض مجديه ليك بالدولار ؟
-فى ناس عندها قدرة انها تاخد الارض كاش وتاخد الخصم اسأل نفسك انت تقدر تعمل كدة ؟ يعنى تدفع كامل تمن الارض بالدولار فى ارض غير مستلمه وغير مرفقه والدولار لو زاد ؟! انت هتبيع الشقق بالدولار ولا الجنيه ؟
– طيب فى ناس بتقول الهيئه ممكن بعد التخصيص تقول فى تثبيت ؟ هتمشى ورا كلام ممكن يتحقق او لا؟ مجازفه هتقدر تاخدها ؟
– طيب فى ناس بتقول هنحجز وبعد كدة هنرفع قضايا ؟ عندك استعداد تدخل فى قضايا حبالها طويله ؟ قرارك برده انت ادرى.
– فى ناس تقولك احجز وممكن ترجع الارض وتخسر ١.٥% ؟ انت متقبل الفكره دى انك تخسر وهل لما فلوسك ترجع هترجع بخصم ١.٥% من غير تثبيت ؟ فكر برده
متجريش ورا حد يوجهك ويقولك الارض هتطير وهتتحجز طب متتحجز فكر الأول وقلب الكلام فى دماغك وربنا ييسرلك الخير.
وفى الاخر كل واحد بياخد نصيبه ورزقه وما علينا إلا السعى والاخذ بالأسباب والنصيحة باللى انت تحبه لنفسك
كلام محترم
لو محدش حجز هيكون في تثبيت
السم في العسل
كل واحد صاحب قراره
الدولار عدى 30 جنيه يعنى الأرض زادت ما يقرب من 4 مليون من امبارح للنهاردة بس
بعد اذنكم توضيح.. انا لما بدخل علي الارض بلاقي السعر المتر بالجنيه لسه موجود فين المشكلة؟