#مسكن6 نركز شوية مع البوست ده والخاص بالتقديمات علي الأراضي التي تم الإعلان عنها علي موقع مسكن وحيث أن لسه باقي تقريبا ١١ يوم علي فتح التقديمات يوم ١٤/ ٩ ضروري تعرفوا النقاط دي علشان لا تشتكوا بعد كده بعد نهاية القرعة … ص_

#مسكن6

نركز شوية مع البوست ده والخاص بالتقديمات علي الأراضي التي تم الإعلان عنها علي موقع مسكن

وحيث أن لسه باقي تقريبا ١١ يوم علي فتح التقديمات يوم ١٤/ ٩

ضروري تعرفوا النقاط دي علشان لا تشتكوا بعد كده بعد نهاية القرعة وفلوسك لسه مرجعتش في حالة عدم الفوز

أولا : يوجد ٣ طرق لسداد مقدم الحجز لقطعة الأرض

١ – عن طريق فوري

٢ – عن طريق الخصم المباشر من البطاقة البنكية

٣ – عن طريق التحويلات البنكية من البنوك المصرية

ثانيا :

هانعتمد طريقتين فقط للتحويل ونتجاهل الطريقة الثالثة وده بسبب المشاكل التي ظهرت للمواطنين عند البدء في رد مقدمات الحجز 👌👌

✅ هندفع مقدمات الحجز عن طريق البطاقة البنكية وعن طريق التحويلات البنكية

🟧 البطاقة البنكية

فيها ميزة انك بتتدخل رقم البطاقة بتاعك اللي فيها رصيد وبتخصم المبلغ مباشرة بالإضافة لرسوم السداد بتاعة العملية نفسها

#السداد من البطاقة البنكية بتظهر معاك مباشرة في حالة الاستمارة الي ( تم السداد )

#السداد من البطاقة البنكية بترجع عليها الفلوس مباشرة خلال شهر من انتهاء القرعة

وبالتالي لا تحتاج مراجعة الهيئة أو البنك بتاعك 👌👌👌

******** خبر ومعلومة من وزارة الإسكان ***********

🟧 التحويلات البنكية

أفضل بنك تحول منه لو ليك حساب فيه هو بنك التعمير والاسكان لان الموظف في خدمة العملاء بيكون عارف طريق التحويل كويس لمشروعات الاسكان
وكمان بيكون التحويل داخلي لفرع المهندسين بدون رسوم تحويل

#البنوك الأخري لما بتروح لها علشان تحول من حسابك الي رقم الاستمارة لصالح بنك التعمير والاسكان فرع المهندسين
ممكن تلاقي الموظف في البنك بتاعك لا يعلم ازاي يحول مقدم الحجز ،
وممكن يحوله بطريقة خاطئة والحوالة بتاعتك متوصلش الهيئة

#لذلك تقدر خلال الأيام اللي جاية تروح بنفسك لاي فرع لبنك التعمير والاسكان قريب منك وتفتح حساب توفير

وتودع فيه الفلوس بتاعتك وتتركها
، ولما يفتح موعد التقديم تروح تاني الفرع بأستمارة الحجز وتحول مقدم الحجز للقطعة اللي عايز تقدم عليها

#ميزة التحويل البنكي ،وخاصة بنك التعمير والاسكان
أن أول فلوس بترجع للمتقدمين هي المسددين من بنك التعمير والاسكان .

#انت سافرت بعد التقديم ، الفلوس بترجع لحسابك عادي جدا ولا تحتاج مراجعة الهيئة أو تسأل البنك ليه الفلوس مرجعتش

*********** خبر ومعلومة من وزارة الإسكان**********

✅ فوري ( مقاطعة 🚫🚫🚫 )

لان أكثر الشكاوي من الطرح السابق أن الفلوس مرجعتش للمتقدمين كان السداد عن طريق فوري

#لو كود الاسترداد موصلش لك مش هتعرف تستلم فلوسك .

#لو حضرتك كنت مقدم عن طريق فوري وبعد كده سافرت
مفيش حد هايقدر يستلم الفلوس الا انت

#للاسف مفيش مرونة نهائي من المسئولين عن فوري
ومشاكلهم كتيرة

وبالتالي قررنا ننصح المتقدمين الابتعاد تماما عن السداد عن طريق فوري ،

لاننا بنحاول قدر الإمكان البحث عن أسباب المشاكل مع الحاجزين وننصحهم بالابتعاد عنها ،
حتي لا تتأخر فلوس وتحتاج وقت كبير جدا تجري وراها

الابتعاد تماما عن السداد من فوري 🚫

لا نريد ظهور شكاوي من المتقدمين أن فيه واحد فلوسه مرجعتش

وأسف جدا علي الإطالة 🙏🙏🙏🙏

وأتمني للجميع التوفيق في التقديمات 🌹🌹🌹

#مسكن
بنك التعمير والإسكان HD Bank
وزارة الإسكان والمرافق والمجتمعات العمرانية

.