فرق بيت الوطن
لو انت فى الفريق اللى بيلعب ٣-٥-٢ الطريقة التقليديه انه يعمل كل حوالاته من اكونت واحد او اتنين بالكتير ودة مش غلط فدة اى اقتراحات بتعديل ألية التخصيص بإن كل اكونت ياخد حوالة واحدة وبعدين لفات هيبص له نظرة خيانة وعماله والخطة بتضرب فى مقتل ودة كدة تغيير فى شروط اللعبة
متفقناش على كدة يا ابو الكباتنننننن……
كنت قولتلى قبل الصفارة كنا لعبنا بخطة تانيه.
اما لو إنت فى فريق اللى بيلعب ٤-٤-٢ دة موزع نفسه على اكونتات كتير نفسه كل اكونت ياخد قطعه فى الأول علشان يعرف ياخد على كل اكونت قطعه كويسه ونفسه فى كدة وكمان نفسه المربعات الجديده متنزلش الا فى التكميليه لفة تانيه
نروح لفريق المستجدين أو اللى محولين من حساباتهم بجد اللى بيحجزو لنفسهم مش كوبرى لحد دول ناس مش بيلعبو بخطه واول مرة يلعبو وسط جمهور نفسهم ميطلعوش من المولد بلا حمص قطعة واحدة كويسه فبالنسبالهم احسن حاجة كل اكونت قطعة واحدة وبعدين لفات و المستجدين كمان نفسهم اولويه للى مخدش خالص كدة ادامهم فرصة.
الموضوع بقى استثمار فى المقام الأول كل واحد بيجرى ورا مصلحته و الكورة فى ملعب الهيئه بس فعلا الأرزاق على الله اعمل اللى تعمله وقول اللى تقوله مش هتاخد غير رزقك اللى ربنا كاتبهولك اللى انت ممكن تكون مفكر نفسك شاطر وفاهم والخير اللى ربنا كاتبهولك هيجيلك من طريق تانى.
ووالله ممكن يكون واحد بيدفع في اتجاه ويكون ضد مصلحته تماما. ربنا يكتب لنا الخير حيث كان ويرضنا به
هو اصلا في احتمال نزول قطع اضافية ؟؟
المختصر المفيد
أحسنت يا باشا
كله رزق من الله وكل اللي هياخد قطعه في النهاية هيبقي مبسوط بيها وراضي واللي هياخد في التكميلية اوقات كتير بتبقي احسن من الاساسية والكل بيتوزع علي جروبات الملاك ومرحلة وتعدي زيها زي غيرها.
لا خلاص بقينا واحد والكل بيطلب قطعه واحده?
انت جيبت الخلاصه يا كوتش ?
احنا نعيد الماتش من الاول أحسن
كراسة الشروط عهد بين الحاجز والهيئة
اذا لم يذكر بها قيد فمعناه مباح
بصرف النظر عن الخطة
خيانة العهد لا تجوز شرعا ولا قانونا
وفي الاخر
ربنا يقسم لنا جميعا الخير حيث كان
كلام كويس فعلا ،
الاهم فدا كله محدش يرمي التاني بالظلم والجشع ،
لحسن طالع شويه محسسنا ، انهم ملائكة بيدافعوا عن الحق المطلق.
ويقول للطرف التاني انت عايز مصلحتك ، قال يعني هو عايز كنافة بالقشطة.