السلام عليكم
أنا بكتب البوست ده من قهرتي وقلة حيلتي أنا بكتب البوست ده بعدما ذقت مرارتي العجز والخسارة
أنا مشكلتي هيا مشكلة 90٪ من إللي اشتري في بيت الوطن
انا اشتريت ارض ودفعت فيها توتال 250 الف دولار يعني لو كنت خليت فلوسي ف البنك لغاية النهارده كان زمانهم حوالي
15 مليون جنيه
لأني كنت المرحله التالته المرحله المنكوبه اسؤا مرحله بين كل المراحل
ولو حبيت أبيع الارض دلوقت مش هتجيب 12 مليون
ومفيش حد هيشتريها كمان
دي أول خساره خسرتها
المبني من سنه ونص كان بيتكلف هيكل خرساني 3 مليون جنيه
دلوقت بعد أسعار الحديد طن الحديد وصل 50000
من 14000 ل 50000 في فتره بسيطه
الهيكل الخرساني يتكلف 8 مليون دلوقت أقل حاجه
يعني زاد مايقترب من ضعفين
وعشان تشطب المبني تشطيب كلي محتاج من 5 إلي 6 مليون
يعني مرحلة المباني حوالي 14 مليون
طب لو حبيت اشطب وابني دور واحد بس إللي هوا أقل القليل
بس عشان أقدر أسلم في معادي محتاج كام
محتاج في ظل أسعار الحديد الايام دي حوالي
6 مليون
6 مليون بنيت بيهم وشطبت دور واحد
ده لو مفيش احلال كمان والتربه رمليه وعامل حيطه وآحده خرسانه
انما لو عندي احلال وتربه صخريه وعامل آكتر من حيطه خرسانه محتاج مليون كمان زياده
بعد ما تعبنا جدا في دفع الاقساط جت الرخصه خلصت الرخصه بعد معاناه وحرق دم ومصاريف
جه دور المباني
والجهاز كمان محدد مهله لو لم يتم البناء خلال المهله التي قاربت علي الانتهاء يتم سحب قطعة الارض
نحن نعيش في فترة أعصابنا حرفيا متدمره
بين قلق من عدم القدرة علي البناء وقلق م سحب الجهاز القطعه
يعني أنتا بعد كل المعاناه دي والضغط النفسي الرهيب ده وفي ظل الارتفاع الجنوني لمواد البناء لو الواحد تعسر في حاجه م الحاجات دي و المهله انتهت تتفاجيء إن تم سحب قطعة الارض من قبل الجهاز إللي أنتا عملت المستحيل عشانها
وبكل بساطه هيقولك خد الفلوس إللي أنتا دفعتها بس بالمصري بسعر التثبيت
بمعني إن مبلغ 15 مليون يقولك هتاخده حوالي 2 مليون
يعني موت وخراب ديار
إحنا في ظروف استثنائيه كل إللي طالبينه في ظل الظروف دي
مهله علي الاقل سنتين
أنا مش طالب مهله 20 سنه كل الموضوع سنتين
إحنا نفسنا نسكن فيها قبل المهله كمان لكن ما باليد حيله
ما يقدر علي القدره إلا الله
نداء إلي وزير الإسكان والساده المسؤولين إحنا بنعاني معاناه لا يعلم مداها إلا الله
اقفوا جنبنا في ابسط حقوقنا زي ما وقفنا جنب البلد في احلك الظروف والأوقات إللي كانت البلد في حاجه لدولاراتنا
ماتاخرناش
اب
Up
up
up
انا شايف اسعار الاراضى زادت فمستغرب من موضوع تاخد ٢ مليون ده & لو اتزنقت دخل معاك اى شركه تبنى و حتلاقى بدل الواحد الف
اب
عندي بس تساؤل !! انت ليه خافي اسمك وانت مبتقولش حاجه سر الموضوع مشكله عامه بس اجمالي كلامك علي الواقع تمام .. لكن يمكن انا حد فاهم شويه فلو عرفت رقم قطعتك بالضبط هقولك كلامك صحيح او غير صحيح لان فيه ناس استلمت من زمان وبنت وخلصت ويمكن حضرتك مستلم من زمان وقلت استني او اسدد الاول حجات كتيره وللعلم في ناس كانت بتدخل بالاقساط مراحل جديده في بيت الوطن وبيكسب كل مرحله ويدخل فلوس وعمال يعيط الان يقول اصل الدفع بتاريخ السداد او تاريخ الاستحقاق وبالنهايه لو ليك طلب روح الجهاز وشوف ممكن يحلو مشكلتك .. او ابعتلي رقم قطعتك يمكن نلاقيلك حل ..
بيع الارض و خد ال ١٢ مليون و متحسبهاش كده
اولا انت على الورق دفعت ٢٥٠ الف دولار
و في الحقيقة انت دفعت اقل من كده بكتير لان كان فيه تثبيت
و حتى لو دفعت المبلغ ده
هو انت مصمم تاخد اللي دفعته دولار و دي حاجة مش واقعية
انت مش لازم تاخد كل حاجة يعني ،، محدش في اخر ١٠ سنين اشترى عقار في اي مكان و حافظ على قيمته الدولارية
العقار زاد نعم بس مفيش عقار زاد بمعدل هبوط الجنيه عشان كده اي حد حول دولار و اشترى عقار كاش اخر ١٠ سنين خسران حتى لو العقار قيمته زادت بالمصري
يا تبيعه يا تدخل شركة تبني و تقسم الربح
من الاخر
المشروع ده اتنظر واتقل بركته
يا راجل ده الهيئه اللي بتستفيد منه وشغاله على حسه بصالك وبتحسبلك وبتدور على خسارتك
مع انه كان فيه خير للبلد والمجتمع والناس
دخل معاك شريك ..وتبيع بسعر اليوم ..وتكسبوا انتوا الاتنين