السادة أعضاء جمعية مطوري القاهرة الجديدة والعاصمة الإدارية وحاجزي اراضي بيت الوطن للمغتربين .. كل عام وانتم بخير. بوست لتذكير الجميع. ..
وجب التنويه أنه هناك تعليمات وتشديدات عليا وصادرة من جهات سيادية بخصوص قطع الأراضي على المحاور الرئيسية ، سواء انتهت من مرحلة البناء أو مازالت في مرحلة الحفر وما بعده ، سواء تم استخرج رخصة لها أو لم يتم ذلك ، سواء تسري عليها مهلة بناء أو انتهت المهلة المحددة لها ، هناك تشديدات صارمة بضرورة عدم وجود خطأ واحد أو مخالفة أو تعدي بداية من عدم سداد قسطين مستحقين ، أو عدم الالتزام بالرسومات الهندسية ، أو عدم الالتزام باللون ، أو عدم الالتزام بالشكل ، أو أي مخالفة تخل بالسلامة الإنشائية للبناء ، أوي أي مخالفة في الرخصة والاشتراطات ، أو أي تعدي على الردود ، أو أي تجاوز للارتفاعات المقررة ، أو أي مخالفة أو تعدي على اللوائح ،،، هناك توجيهات وتعليمات شديدة وحازمة بسحب جميع قطع الأرضي المخالفة خصوصاً الموجودة على محور 24 وعلى شارع النوادي ومحور محمد بن زايد ، الأمر في غاية الصعوبة والخطورة والأهمية ، لذلك رجاءً من الجميع ضرورة الالتزام وعدم المخالفة أو التعدي أو التجاوز في أي شيء مما سبق ذكره أو غيره..
وتفضلوا بقبول وافر التحية والتقدير
مجلس إدارة الجمعيه
اوامر وعلى راسنا بس فين بقى الكهرباء والمية والاسفلت هنسكن امتى؟؟؟
هوه الاهتمام بالمكان و التركيز عليه و متابعته بشكل حصري عن باقي اراضي البناء شيء محمود طبعا .. بس مش لما تدخل المرافق الاول ييجي الكلام ده بعده ؟
انا اللي شايفه انهم مش عارفين بوجود بيت الوطن اصلا
طيب الخدمات يا حكومة ?
اكيد صح كلام سليم عشان محاور رئيسية وممكن المستثمرين او الحكومة او الرئاسة تنزل هناك تعدي او تستقبل حد في الطريق للعاصمه
Alaa Jamaan يا حج علاء ياعمدة
طبعا الالتزام مطلوب وشئ محمود ، بس لما تيجى كحومة تطلب منى التزم بتعليماتك طبعا هنفذها و على راسى كمان ؛ المفروض انت كمان كحكومة تلتزم بتعهداتك ومسئولياتك اللى انت ألزمت بيها نفسك تجاه الحاحزين للأراضي ، يعنى هل يعقل ان فى ناس حاجزة من 2015 وقبل كدة كمان ولسة ما استلمتشى أرضها؟؟؟
تحياتي لحضرتك
هو ايه محور ٢٤ ده فين بالضبط
ومفيش تعليمات من الجهات السيادية بإلزام الجهاز بالمرافق واناره شوارع الحي الاول ومرافق الميه اللي مواسيرها كلها مكسره والميه مقطوعهً دايما بحجه اصل في كسر في المنطقه بقالنا خمس سنين علي كده واناره الشوارع مفيش خرابه وبتوع الكهرباء يقولك اخر حاجه نفكر فيها الشوارع علما بي ان نسبه المباني في الحي الاول كبيره جدا ونسبه تشطيبات عاليه جدا ومفيش اسكان بسبب المرافق وخاصه شركه اجيكوه مرافقها الله اعلم بيها وابتزاز العرب ومش عارفين نسكن بسبب المرافق فين اهتمام الجهات السيادية من استغاثتنا ياريس تعبنا ومش عارفين نكلم حد
مفهوم طبعا