سيدي الفاضل أسعار المصنعيات تحكمها عوامل عديدة ومفيش فيه تماثل نهائيا بعض هذه العوامل مثل
خرسانة جاهزة ام صب في الموقع
الخرسانة العادية لبشة ام قواعد منفصلة
خ.م قواعد ام شرائح ولا لبشه
الميد بنفس سعر مسلحة الاساسات حاجة واحدة طالما ليست ميد معلقة
مصنعيات الاعمدة تختلف من دور لآخر
اعمدة البدروم ممكن تلاقي اللي بيحسبها بالمتر واللي بيحسبها بالعمود وكمان لو فيه فرق منسوب وسقف البدروم فلات سلاب ممكن يضيف علاوة علي السعر
الحائط فيه اللي هيحسبه علي الاعمدة أو علي السقف أو بعلاوة علي الاساسات
سقف الفلات سعره غير سقف السوليد

كمان هل السعر شامل ايه غير المصنعية زي المسمار ، السلك ، الزراجين ، علاوة الأدوار، الاعمدة تكعيب ولا مقطوعين، السلم تكعيب ولا مضاعفة ، الكمرات 12سم بتضاعف ولا لأ ، علاوة دور الخدمات ، مقطوعية غرفة المصعد

الخلاصة كل حاجة وكل حالة ولها سعرها وإن كنت أفضل سعر موحد للاساسات وسعر موحد للهيكل وده رأي شخصي جدا
ده مجرد توضيح

هو زي ما انا كتبت في الرد لحضرتك مفيش مقياس ثابت لأي حاجة في المباني،، ده ولا حتي في تسعير الأراضي المتجاورة
ومقدرش أظلم حد في تسعيره كل واحد له حساباته
لكن في حالة انه صديق بفترض انه الاول صمم الأئمن والاصفر والاجود ومع اقل كميات ممكنه واعلي نسبة توفير مع اعلي جودة
وفي الاخر حسب أسعاره علي اقل سعر ممكن يوفره به خامات بأعلي جودة
يعني من الاخر الأمانة والجودة ومخافة الله
وده كله بيلعب في رينج مليون بالزيادة وبالناقص للقطع الدارجة اللي هي 600 م²
انا اتوقع القطعة 600 م² واجهة واحدة الحفر في تربة رملية او طفلية بدروم بكامل المساحة وارضي و3متكرر وخدمات ومصعد وتشطيب كويس لا يقل عن جيد للواجهات والسلم والمنور بكافة توصيلات المرافق ونصف تشطيب داخلي شامل الرسومات والتراخيص يكلف بسعر اليوم 9 مليون جنيه بأقل مبلغ مدفوع للإشراف المتولي التنفيذ بسعر اليوم وقبل اي تعويم واعمل حساب تنسيب السوق الموازي بعد التعويم لسعر السوق الموازي اليوم

رد م سامح الطوخي

تسترد الفلوس ترسل email
بالإسترداد ولازم تبعت حد
لمحمد محمود او محمد عبدالله فى هيئة المجتمعات العمرانيه فى وزارة الإسكان فى العاصمة الإدارية الدور السابع يتابع معاهم

 سعر المتر المربع في أراضي بيت الوطن يتراوح ما بين 180 إلى 500 دولارًا أمريكيًا.

ويتفاوت السعر حسب المدينة التي تتواجد بها قطعة الأرض؛ حيث تكون أسعار الأراضي الموجودة في القاهرة الجديدة والشيخ زايد ودمياط الجديدة، أعلى من أسعار الأراضي في باقي المدن.