خطوات للحجز بأرض بيت الوطن للمستجدين
اولا:
الفلوس لازم تتحول دولار من بره مصر او تكون دولار في الحساب البنكي من اكثر من ٦٠ يوم
١ يجب لكل شخص عمل حساب على موقع الهيئة
http://www.nuca.gov.eg/
وتدخل علي اراضي (سكني – مختلط ) وتعمل اكونت
٢-تحميل الاوراق والبيانات المطلوبه لارفاقها على الموقع
– صورة جواز السفر
– صورة الإقامة للدولة التى تقيم بها و تكون صالحه
-صورة بطاقة الرقم القومى المصرى
-بريد الكتروني يكون شغال
-رقم موبايل وعادي ممكن تحط رقم مصري او دولي
في حالة انة القطعة داخل فيها اكتر من شخص تعمل اضافة شركاء وتحط بيانتهم
٣- متابعة الموقع الاكتروني المخصص للحجز عند طرح الأراضي أو الشقق و عند فتح الموقع للحجز
يتم اختيار القطعه و مقارنتها مع الخريطة و الضغط علي احجز
في قائمة الطلبات سيظهر لك القطعه و كود الحجز
أهم رقم يخصك هو كود الحجز
٤- يتم ارسال مبلغ الحجز للبنك المركزى عن طريق احد البنوك التى ترسل المبلغ فى اسرع و يفضل الأسرع و أسأل عن أفضل البنوك و ليس الصرافات يفضل عدم التحويل عن طريق الصرافة عشان الفلوس بتتاخر في التحويل
عند تحويل المقدم هاتبعت المبلغ المكتوب في خانة المبلغ المطلوب تحويلة وتبعت زيادة علية 300$ عشان بيكون فية عمولات بتتخصم من البنك والبنك الوسيط وعشان يفضل المبلغ يوصل كامل او زايد مش ناقص
٥- اهم نقطة وضع كود الحجز في التحويل فى السويفت المرسل للبنك المركزى في خانة الملاحظات او سبب التحويل هاتكتب كود الحجز فيها
٦- بعد يومين ترجع للبنك و تاخد السويفت كود و ترفقه مع صورة التحويل علي الطلبات بتاعتك وتبعت ميل فية صورة التحويل وعنوان الميل تكتب كود الحجز
٧- وقت التخصيص سوف تصلك إيميل بتأكيد الحجز اذا لم يكن احد ارسل المبلغ اسرع من حضرتك وحجز هذه القطعه
٨- فى حالة حد سبقك لازم تقوم بحجز قطعه اخرى بحيث ان يكون المبلغ مساوى لمبلغ حضرتك او اقل و اي قطعه متاحه تنطبق عليها الشروط ح تكون من نصيبك
٩- تقوم الهيئه بإرسال إيميل لكى فى خلال دقيقه لتعلمك بانه تم تاكيد الحجز

هيئة المجتمعات العمرانية الجديدة

.

ملخص الصيغة النهائية لقانون التصالح
وجاء نص المادة الأولى بيجوز التصالح على الأعمال التي ارتكبت بالمخالفة لأحكام القوانين المنظمة للبناء قبل العمل بهذا القانون، فيما عدا ما يأتي:
1- الأعمال التي تخل بالسلامة الإنشائية للبناء.
2- التعدي على خطوط التنظيم المعتمدة.
3- المخالفات الخاصة بأماكن إيواء السيارات.
4- تجاوز قيود الارتفاع المقررة من سلطة الطيران المدني.
5- البناء على الأراضي الخاضعة لقانون حماية الآثار.
6- البناء على الأراضي أملاك الدولة.
7- البناء على الأراضي خارج حدود الأحوزة العمرانية المعتمدة.
8- البناء على الأراضي الزراعية.
وتنص المادة الثانية يقدم طلب التصالح من ذوى الشأن مرفقاً به إيصال سداد رسم فحص قدره خمسة آلاف جنيه خلال مدة لا تجاوز سنة من تاريخ العمل بأحكام هذا القانون إلى الوحدة المحلية أو الجهة الإدارية المختصة بالتخطيط والتنظيم في تطبيق أحكام قانون البناء المشار إليه وذلك بحسب الأحوال.
ويتعين على الوحدة المحلية والجهة الإدارية المختصة إنشاء سجلات خاصة تُقيد فيها طلبات التصالح والإجراءات والقرارات التي تتخذ بشأنها , وإعطاء صاحب الشأن ما يفيد تسلم طلبه ورقمه.
ويترتب على تقديم طلب التصالح على النحو المشار إليه وقف نظر الدعاوى وتنفيذ الأحكام والقرارات والإجراءات الصادرة بشأن الأعمال المخالفة محل هذا الطلب لحين البت فيه.
وتنص المادة الثالثة: تُشكل بكل وحدة محلية وجهة إدارية مختصة لجنة فنية أو أكثر من غير العاملين بهما برئاسة مهندس استشاري تخصص هندسة إنشائية وعضوية اثنين على الأقل من المهندسين أحدهما مدني والآخر معماري.
ويصدر بتشكيل هذه اللجان وتحديد مكافآتها قرار من المحافظ أو رئيس الجهة الإدارية المختصة.
وتحدد اللائحة التنفيذية قواعد ومعايير اختيار رئيس وأعضاء اللجنة والضوابط والإجراءات التي تتبعها في مباشرة اختصاصاتها.
اما المادة الرابعة فتختص اللجنة المشار إليها بالمادة السابقة بالبت في طلبات التصالح، وللجنة أن تكلف صاحب الشأن بتقديم تقارير هندسية عن السلامة الإنشائية للبناء وغيرها من المستندات اللازمة للبت في هذا الطلب، على أن تنتهي من أعمالها خلال مدة لا تجاوز أربعة أشهر من تاريخ تقديم الطلب مستوفياً للأوراق المطلوبة.
ويكون للجنة الموافقة على طلب التصالح على المخالفة مقابل أداء مبلغ يقدر بمثل قيمة الأعمال المخالفة, وتُحدد اللائحة التنفيذية أسس وقواعد تحديد قيمة الأعمال المخالفة ،على أن تقدر القيمة المتوسطة لتكاليف إنشاء المتر المسطح وفقاً لقانون البناء المشار إليه.
ويُعفى من يتقدم بطلب التصالح خلال ثلاثة أشهر من تاريخ العمل بهذا القانون من أداء قيمة تعادل نسبة 15 % من مقابل التصالح المقرر .
وتُعفى الوزارات والمصالح الحكومية ووحدات الإدارة المحلية والهيئات العامة من أداء المقابل المشار إليه.
المادة الخامسة: يترتب على موافقة اللجنة على طلب التصالح على المخالفة وسداد المقابل المقرر انقضاء الدعاوى الجنائية والإدارية المتعلقة بموضوع المخالفة، وإلغاء ما يتعلق بها من قرارات وحفظ هذه المخالفات إذا لم يكن قد تم التصرف فيها, وتعتبر الموافقة على طلب التصالح بمثابة ترخيص للأعمال المخالفة محل هذا الطلب ومنتجاً لأثاره.
ويترتب على الموافقة على طلب التصالح في حالة صدور حكم بات في موضوع المخالفة وقف تنفيذ الحكم والعقوبة المقضي بها0
وفي جميع الأحوال لا يترتب على قبول التصالح على المخالفة أي إخلال بحقوق ذوي الشأن المتعلقة بالملكية.
المادة السادسة: في حالة رفض طلب التصالح على المخالفة، يصدر قرار من المحافظ أو رئيس الجهة الإدارية المختصة باستكمال الإجراءات التنفيذية اللازمة لإزالة أو تصحيح الأعمال المخالفة بالعقار وفقاً لأحكام قانون البناء المشار إليه.
المادة السابعة : تؤول كافة المبالغ المحصلة طبقاً لأحكام هذا القانون إلى الخزانة العامة ، وتوزع على النحو الآتي:
50% لصالح صندوق تمويل الإسكان الاجتماعي وتخصص للصرف منها على أغراضه.
20% لصالح صندوق تطوير العشوائيات المنشأ بقرار رئيس الجمهورية رقم 305 لسنة 2008 وتخصص للصرف منها على أغراضه.
15% لصالح الخزانة العامة للدولة.
10% لصالح الوحدات المحلية وتخصص لإنشاء جراجات متعددة الطوابق داخل نطاق الوحدة المحلية.
5% لصالح الوحدة المحلية أو الجهة الإدارية المختصة يصرف ما لا يجاوز 50% منها على نفقات ومكافآت اللجنة المنصوص عليها بالمادة الرابعة من هذا القانون, وغير ذلك من أوجه الصرف المتعلقة بمباشرة اللجنة لأعمالها ، وذلك طبقاً للضوابط التي يضعها المحافظ أو رئيس الجهة الإدارية المختصة.
(المادة الثامنة )
يجوز لذوي الشأن التظلم من قرار اللجنة برفض طلب التصالح خلال ثلاثين يوماً من تاريخ إخطارهم بالقرار, وذلك إلى لجنة التظلمات المنصوص عليها بالمادة (111) من قانون البناء المشار إليه ، ووفقاً للقواعد والإجراءات المحددة والمبينة فيه.
( المادة التاسعة )
لا يخل التصالح بالدعوي الجنائية أو التأديبية ضد الموظفين أو المسئولين عن عدم اتخاذ الإجراءات لمنع هذه المخالفات.
(المادة العاشرة )
يصدر الوزير المختص بالإسكان اللائحة التنفيذية لهذا القانون خلال شهر من تاريخ العمل به.
(المادة الحادية عشرة )
يُنشر هذا القرار بقانون في الجريدة الرسمية، ويُعمل به اعتباراً من اليوم التالي لتاريخ نشره.

.

مبروك لكل اللي أتخصص له و خلي لسانك جوا بقك و اسكت و ما تقول لحد علي قطعتك

.

.

معلش بس اعمل ايه لو الرساله لسه مجاتليش بتاعة جدية الحجز مع العلم ان الفلوس خرجت من حسابى يوم الاربع و كلمت ١٩٩٩٥ مفدنيش بحاجه اعمل ايه

.

الكلمه والمعلومه امانه .. الصدق امانه .. شغلك امانه .. حقوق الناس امانه .. قول الحقيقه امانه .. عدم تضليل الناس امانه .. فبلاش نكذب ونفتي ونتوهم ونحلم ونعيش اللي مش فاهم في كذبه ويلاقي نفسه لبس في الحيط .. الفلوس هبلت الناس وجننتهم وبصراحه بيت الوطن كان السبب في تغيير حيات الكثيرين كنا زمان بنحول حواله وبيت لنا ولاولادنا .. النهارده القصه دي انتهت والناس اخدت بيوت لكل سكان الكره الارضيه .. واصبح المغترب حوت بنافوره ? اللي محول 58 حواله واللي محول 18 واللي محول سبعين القصص كتيره ولا غبار علي ذلك لان الدوله سامحه بده ومحتاجه دولار للبلد لكن مش كل واحد لازم اجمالي كل تحويلاته تكون في الاول ويعملك اكونتات باسامي ناس تانيه ويقولك لفات والمحول هوا نفسه او حد معاه واننا عملناها قبل كده ومشيت فلازم تمشي المرادي.. واللي يقولك الف دولار لدور جديد ايه الافلام دي !! يعني مثلا انا محول من شعر مايو وبقالي شهور طويله ويجي واحد يفتي ويقولك اصل هنعمل ادوار من جديد !! مين عاقل سواء يالوزاره او الهيئه او الوزير نفسه يقبل ده !! هقول مثال بسيط جدا موضوع الضم اللي شغال عارفين عامل ايه بالهيئه !! مفيش نوم وفحت وردم وتليفونات واتصالات وايميلات وارهاق لا قبله ولا بعده بسبب موضوع الضم ومين اخد ومين اتنسي الناس دي بتروح بيوتها بالليل تنام كام ساعه وترجع تاني يوم الصبح بدري ده غير شغلهم الاساسي بالوزاره والمكلفين بيه واللي ميعرفش يقول عدس واخر حاجه هقولها المراحل معدتش للمغتربين خالص الموضوع دولار .. دولار .. دولار .. وتحويل من بره .. وكلامي واضح وممكن يضايق ناس وممكن يطمن ناس وكل كلامي حسب خبراتنا في بيت الوطن منذ ولادته .. فالاشبال الجداد لازم يفهمو ان قلة الادب والشتيمه وارسال الايميلات وايذاء الناس عيب ولا فائده منها والاتصالات بالهيئه والارسال علي الواتس فكل دي امور لا تنطلي علي احد والدوله ولا ليها مصلحه مع اي اسم كله زي بعضه ده هياخد الارض ولو مخدش غيره هياخدها واللي يقولك هسترد !! متسترد حد حايشك !! فيا ريت نعقل كده ونهدا ونفهم ونتعامل بذكاء مع اي مرحله ونشوف شروطها ومش لازم كل مره نكون فايزين بالمراحل اكيد التجاره مكسب وخساره وارجع يا اخي كده انت وهو وهو شوف عندك ملايين قد ايه من بيت الوطن وبسبب المشروع ده .. اكيد انا حد رخم بصراحه اللي يكتب الكلام ده ? وعلي فكره انا المرحله دي بخدم اللي مش فاهم بس والتاجر اللي استخدمنا سنين معنتش برد عليه يسلك مع نفسه وميتصلش عليك غير وقت المرحله فرجاء متتصلوش مش هرد علي حد.. ومش كل مكتب كلمه الاقي الف اتصال افهم البوست رجاء وبلاش تتصل بعدها بثانيه انا مش فاضي وعندي شغلي فارجوكم البي عنده مصيبه بس يتصل ?.. متنسوش تاخدو شير لكلامي علي جروبات الواتس .. وقبل منشر البوست بصراحه انا لا اتطرق لاسماء او اشخاص مع المعلوميه الكامله بكل ما يدور لكن ولا له اي لازمه الحوارات دي ومش هنشهر ناس مجهوله بحجة ان قال او مقالش .. صباح الفل ونطلع بقي نشوف انشغالنا ونرد عليكم وقت ما نفضي ..

.

جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.

خلاصة قرار التعلية…
1- جهاز مدينة القاهرة الجديدة أصدر منشور يفيد أن القرار لن يتم تطبيقه سوى على أحياء “النرجس وجنوب الأكاديمية والبنفسج والياسمين والقرنفل وتمر حنة وعمارات الحي الخامس وحي المثلث وحي المتميز ( غرب الجولف فيلات) وحي الشويفات …” بالقاهرة الجديدة
2- أقصى أرتفاع للفيلات بأي حي من الأحياء بدروم وأرضى و دورين فقط وروف.
3- القرار خاص بالقطع السكنية الصغيرة سواء كانت الفيلات أو العمارات المخصصة للأفراد بمعنى انه لا يشمل الإداري أو التجاري أو الكومبوندات .
4- يلزم سداد 25 % من متوسط سعر الأرض ( سعر المتر الحالي + سعر المتر باخطار التخصيص ويتم قسمتهما على اثنين) علما بان اخر سعر للمتر بالقاهرة الجديدة كان (5600ج) .
5- يشترط عدم وجود مخالفات بنائية بالعقار خاصة بالروف أو تحويل البدروم لوحدة سكنية ( الدوبلكس).
6- عدم الاستفادة مسبقا بدور تعلية وهذا يعنى أن كل القطع التي تم تعلية دور فيها مسبقا لن يسمح بالزيادة بها.
7- أن لا يكون على مالك العقار أو الأرض أي مستحقات أو مخالفات مالية.
8- تقديم شهادة رسمية من استشاري إنشائي معتمد بسلامة المبنى إنشائيا وقدرته على تحمل دور اضافي .
9- لابد من توافر أماكن لانتظار السيارات وبذلك يشترط توفير (50 م2) إضافية لمساحة الجراج القديم .
10- سيتم تحرير عقد أو ملحق عقد مع مالك كل قطعة أرض يتضمن قيمة العلاوة المقررة لزيادة الدور.
**أخيرا هذا القرار ليس له علاقة بقانون التصالح على المخالفات المحتمل صدوره قريبا ، نظرا لأن الأخير سيكون دوره هو تقنين وضع الروف المخالف.. مثلما هو الحال في الأماكن التي سبق وان استفادت بدور التعلية إلا أن بعض الملاك قاموا بزيادة المساحة البنائية بسطح العقار عن المساحة القانونية ..وقد يستفيد من القانون أيضا من لم تتوافر لديه شروط التعلية نظرا لقيامه ببناء مساحة الروف بالمخالفة للمساحة القانونية.

.

على العموم انا مسافر ومش هنتظر السابعه اكتر من كده وهما الخسرانين.

.