.

هل ينفع تحويل الفلوس من ابليكيشن البنك لقطع اراضي مسكن ولا لازم من البنك

.

.

بشرى ساره..
لحاجزى بيت الوطن القاهرة الجديدة..
أخيرا
تم توصيل التيار الكهربائي والإنارة أضاءت واجهات المباني .. يوم الاثنين ٢٠ نوفمبر ٢٠٢٣ – الحى التانى بالمناطق & A & B & i & h – والحى الرابع k. &L

شكرا جزيلا لكل مجتهد، ولكل من يؤدي عمله باخلاص.. من موظفي جهاز القاهرة الجديدة، وعلى رأسهم المهندس عبد الرؤوف الغيطي رئيس الجهاز.. والمهندس المجتهد سيد حسن مدير عام المرافق.. رجل المهام الصعبة، الذي لا يتأخر أبدا عن مد يد العون والمساعدة للتغلب على المعوقات والتحديات، وفريقه المهندس سامح ولكل صاحب يد بيضاء تساهم بقوة في عمران مدينة القاهرة الجديدة ومشروع بيت الوطن خاصة..

جزيل الشكر لكم و لكل رموز جهاز القاهرة الجديدة
ان الله لا يضيع أجر من أحسن عملا

.

السلام عليكم
أنا بكتب البوست ده من قهرتي وقلة حيلتي أنا بكتب البوست ده بعدما ذقت مرارتي العجز والخسارة
أنا مشكلتي هيا مشكلة 90٪ من إللي اشتري في بيت الوطن

انا اشتريت ارض ودفعت فيها توتال 250 الف دولار يعني لو كنت خليت فلوسي ف البنك لغاية النهارده كان زمانهم حوالي
15 مليون جنيه
لأني كنت المرحله التالته المرحله المنكوبه اسؤا مرحله بين كل المراحل
ولو حبيت أبيع الارض دلوقت مش هتجيب 12 مليون
ومفيش حد هيشتريها كمان
دي أول خساره خسرتها

المبني من سنه ونص كان بيتكلف هيكل خرساني 3 مليون جنيه
دلوقت بعد أسعار الحديد طن الحديد وصل 50000
من 14000 ل 50000 في فتره بسيطه
الهيكل الخرساني يتكلف 8 مليون دلوقت أقل حاجه
يعني زاد مايقترب من ضعفين
وعشان تشطب المبني تشطيب كلي محتاج من 5 إلي 6 مليون
يعني مرحلة المباني حوالي 14 مليون
طب لو حبيت اشطب وابني دور واحد بس إللي هوا أقل القليل
بس عشان أقدر أسلم في معادي محتاج كام
محتاج في ظل أسعار الحديد الايام دي حوالي
6 مليون
6 مليون بنيت بيهم وشطبت دور واحد
ده لو مفيش احلال كمان والتربه رمليه وعامل حيطه وآحده خرسانه
انما لو عندي احلال وتربه صخريه وعامل آكتر من حيطه خرسانه محتاج مليون كمان زياده

بعد ما تعبنا جدا في دفع الاقساط جت الرخصه خلصت الرخصه بعد معاناه وحرق دم ومصاريف
جه دور المباني
والجهاز كمان محدد مهله لو لم يتم البناء خلال المهله التي قاربت علي الانتهاء يتم سحب قطعة الارض
نحن نعيش في فترة أعصابنا حرفيا متدمره
بين قلق من عدم القدرة علي البناء وقلق م سحب الجهاز القطعه
يعني أنتا بعد كل المعاناه دي والضغط النفسي الرهيب ده وفي ظل الارتفاع الجنوني لمواد البناء لو الواحد تعسر في حاجه م الحاجات دي و المهله انتهت تتفاجيء إن تم سحب قطعة الارض من قبل الجهاز إللي أنتا عملت المستحيل عشانها
وبكل بساطه هيقولك خد الفلوس إللي أنتا دفعتها بس بالمصري بسعر التثبيت
بمعني إن مبلغ 15 مليون يقولك هتاخده حوالي 2 مليون
يعني موت وخراب ديار

إحنا في ظروف استثنائيه كل إللي طالبينه في ظل الظروف دي
مهله علي الاقل سنتين
أنا مش طالب مهله 20 سنه كل الموضوع سنتين
إحنا نفسنا نسكن فيها قبل المهله كمان لكن ما باليد حيله
ما يقدر علي القدره إلا الله
نداء إلي وزير الإسكان والساده المسؤولين إحنا بنعاني معاناه لا يعلم مداها إلا الله
اقفوا جنبنا في ابسط حقوقنا زي ما وقفنا جنب البلد في احلك الظروف والأوقات إللي كانت البلد في حاجه لدولاراتنا
ماتاخرناش

.

احنا من يوم ما خلصنا التجهيزات العداد الانشائي منتهي العبث مع الجهات
١- إدارة الكهرباء و تصاريحها
٢- شركة الغاز
٣-الطرق
٤- المصرية للاتصالات
٥- شركة المياه
المعقب علي المعاملات طلع عينه

كل ده عشان كهرباء انشائي كل يوم بيألفوا إداريات تزيد معوقات العمل في الشروق بتروح الطرق بتدفع تأمين و خلصنا الا الجهاز الغريب كأنهم كل إدارة مخاصمة اختها وانت بتروح كعب داير عشان تخلص
منتهي العبث

.

.