أعضاء لجنة بيت الوطن المحترمين
ما موقفكم الان من عدد الاراضي الكبيرة التي سيتم زيادتها للمرحلة العاشرة في مشروع بيت الوطن
الاراضي دي كانت فين في المرحلة التاسعة التكميلية
نزلتوا أراضي لم تكفي عدد المحولين في المرحلة التاسعة التكميلية ، ولما الاراضي خلصت وتبقى أكواد لم تخصص
كنتم بتقولوا مفيش أراضي واللي عايز يسترد يسترد
دلوقتي لما وصل لرئيس مجلس الوزراء المبلغ الكبير من ملايين الدولارات التي تم ردها للمغتربين في المرحلة التاسعة أراضي والمرحلة عاشرة شقق كان لابد تتدخل رسمي منه
وبناءا علي ذلك صرح منذ أيام بطرح أراضي زيادة لجميع المحولين في المرحلة العاشرة – أراضي
لان الحكومة لو تركت الأمر لكم هاتسببوا كواراث بخروج ملايين الدولارات من الدولة في ظل أحتياجها المستمر للعملة الصعبة
هسألكم تاني
الآلاف القطع دي كانت فين ، والمغتربين أصحاب ال ١٦٠ كود كانوا منتظرين يخصصوا أرض بأضافة قطع زيادة علي الموقع
ألم تفعلوها من قبل من زيادة أراضي علي الموقع أثناء التخصيص
للاسف الشديد كذبتوا علي المغتربين أنه مفيش أراضي ، والهيئة لديهما مخزون كبير من الاراضي والشقق
من أحباط المغتربين أصحاب ال ١٦٠ كود ، جزء منهم طلب استرداد بسببكم ، أيوه بسببكم وكرهوا أي مبادرة ليها علاقة بالدولة
هل معقولة يكون مسئول في الهيئة يملك الصلاحية أنه يدخل ملايين الدولارات للبلد ويقول للمغتربين اللي عايز يسترد يسترد ؟
مفيش أراضي
مفيش شقق
للاسف مينفعش تكون موجود أو موجودة في مكان زي ده ??
قولوا بقي لرئيس مجلس الوزراء مفيش أراضي ، وهو ده اللي موجود ، لكن متقدروش
أنما تقدروا تقولها فقط للمغترب اللي محول دولارات للدولة علشان يخصص قطعة أرض او شقة ، وبسبب سياستكم تكون سبب في رجوع هذه الملايين مرة اخري خارج البلاد
أتمني يكون فيه تصحيح وتعديل لسياسات لجنة بيت الوطن الموجودة حاليا
#بيت_الوطن
#المرحلة_العاشرة
خبر ومعلومة من وزارة الإسكان
وزارة الإسكان والمرافق والمجتمعات العمرانية
انا عندي سوال محيرني والله منين عمالين يطرحوا اراضي بيت الوطن والاراضي اللي بقالها اكتر من ٦ سنين الناس اللي اشتريت شقق وخلصت بناء مش عارفه تسكن وبتعاني من عدم اكتمال الخدمات مع العلم ان الاراضي في اماكن حواليها سكن وانا هنا بتكلم علي اكتوبر وخصوصا بيت الوطن الاساسي
وخد بقي النكته اراضي غرب الجامعه اللي اطرحت ولسه متسلمتيش للملاك الشركات نزلت اعلانات وبعت شقق وتسليم في خلال سنتين اديني عقلك وانت بيت الوطن الاساسي داخل في سبع سنين الناس مش عارفه تنور عمود نور في الشارع
هل فعلا فيه اراضي زيادة هايتم طرحها
احسنت وكلام محترم من شخصيه محترمه كل الاحترام والتقدير
منتظر طرح قطع اراضى بالمدن الجديدة بعد العيد
هل لو عاقلين يرجعوا عشرات المليارات المحجوزة لشقق جنة وسكن …….من قلة الأراضي والله هيئة ربنا يصلح حال مسئوليها
ايمان نبيل قالت مافيش ارض ومحدش ليه فلوس كل الناس استرداد منها لله ذنب ١٦٠ شخص فى رقبتها
وانت غرفت منين موضوع زيادة القطع
انت انسان محترم استاذ احمد واسمحلي ان احي حضرتك علي الكلام ده
ده على اساس انه اللى طلب استرداد فلوسه رجعتله اصلآ??
صدقت وأحسنت
كان لي حوالة تانية عندهم في الطرح العاشر شقق
وقالوا فالتكميلي هنخلص الاول اللي مأخدوش في الأساسي
وفعلا خلصوا
وطبعا لعلمي عن مأساة الاسترداد، اخترت شقة في فالي تاورز اللي تبقى منها اكتر من ٧٠٠ محدش عاوز يختارهم!
Guess what
مخصصوليش حتى في فالي تاورز، واديني بلف ورا فلوسي استردها وبعت اخي الهيئة في العاصمة وللان لا حس ولا خبر
أغيثونا