مساء الخير .. ايه اخبار التكميليه يا رجاله !!! خ_

عن اي تكميلية يا حاج

لا يفتى و مالك في المدينة

تقصد ( التجميلية ). لسه مازالت الصورة ضبابية على الجميع

الاخبار عندك ياعمده

فقط للعلم بالشئ وللتذكره فيه ناس ادوارها كانت بالبدايات يعني مثلا كان فيه كتير عايزين دمياط بس وقتها ولنا مخدش ركن وفيه ادوار كانت في المئات الاولي والله وفيه ادوار كانت قريب من ال 500 لذلك وددت ان اذكركم باثار ذلك وتأثيره علي الحاصل .. بيت الوطن اصبح صداع مزمن يثير قلق الكثير .. لذلك ورأي بسيط العاشره اراضي كانت افضل مليون مره من حيص بيص . لكن الزعماء ٱبو الا يقبلو غير المميز فبأذن الله ربنا يكرمهم بالمميز اللهم امين ..

الغريبة ان يقول لك استكمل وانت مش عارف تستكمل ايه وتستكمل على ايه ولا عارف ترتيبك كام ولا منين يودي على فين . لأ وكمان مرحلة لوغاريتم الإيميلات اللي توهت الناس .
متشوف الموضوع ده يا حاج علاء معاهم ونفضها سيرة بقى ونقفل البيت وكفاية كده عليهم 🙁

انا لى وجهه نظر تعقيبا على البوست ياحاج علاء دايما كل مره كانت الهيئة بتنزل اراضى مميزه ودايما كان عدد الحوالات فى الأساسية أكتر من الاراضى المطروحه وبالعكس كان دايما بيتبقى اراضي كتير بالمرحلة الأساسية ومع ذلك كانت الهيئة بتنزل تكميليه باراضى مميزه جدا وده حصل فى شمال الرحاب نزلت تكميليه إرضاء للمتنعين عن الحجز وكذلك نزلت زايد المطله على رويال تكميليه ونزلت شرق حورس بدمياط تكميليه وكان كل مرحله فيه اراضي من الأساسية ما بتتحجزش ومع ذلك الهيئة كانت بتنزل اراضى تكميليه افضل من الاساسيه وده من المرحلة الخامسه اما نزل بدمياط الجديده الحديقه الدوليه بالتكميليه كانت افضل من غرب حورس بالاساسيه فليه دلوقتى الهيئة بتتعنت مع المنتظرين من الاساسيه وبتنزل لهم متخللات وبواقى اعتقد انه فيه تعنت مم الهيئة فى المرحلة دى وده كات واضح من مقابله م انور مناع مع مهندسه ايمان نبيل ان فيه تعنت والتعنت ده على فكره كان من المرحلة الأساسية اما بعض الناس سألت المهندسه ايمان هل هيكون فيه تكميليه ولا لا أجابت بانه مفيش تكميليه والى يجي دوره يحجز واصرت ان الاراضى مميزه وان الناس مش عارفه تقيم الاراضى وتناست ظروف ووقت الطرح كان هناك حاله قلق وترقب ومعلوم انه كان هيحصل تعويم والدولار كان بيرتفع بشكل جنوني ووصل ل ٧٣ مما خلق هناك حاله تخلص شديد من الجنيه وجعل الكل يحجز باى شكل عشان كده دى المرحلة الوحيده اللى انحجزت كل الاراضى فيها وده مش نجاح من الهيئه ولكن الظروف اللى خدمت وأعتقد من حق المنتظرين إنهم يطالبو بفتح مربعات جديده ومميزه اسوه بما حدث في المراحل السابقه كلها على الرغم ان المرحلة دى كانت افقر مرحله وكانت هتكون افشل مرحله لولا الظروف الاقتصادية وارتفاع سعر الدولار مقابل الجنيه وقت الطرح واسف على الاطاله

هقفل التعليق علي البوست لحد ما اخلص شغلي واللي ورانا ونرجع نتكلم تاني ?