السلام عليكم ورحمة الله وبركاته .. للتوضيح وايضاح الصوره منعا للبلبله .. احد الا… خ_

السلام عليكم ورحمة الله وبركاته .. للتوضيح وايضاح الصوره منعا للبلبله .. احد الاشخاص المحترمين ناشر بوست بيقول فيه الناس تروح تعمل استرداد للواحد بالميه اسوة بالمرحله الخامسه وعشان نوضح الصوره ونقول الغلط فين .. في بداية استلامات المرحله الخامسه موظفي الاجهزه اعتقدو ان 1% بتاعة الاسكان الاجتماعي والتي بتدفع مع ال 25% المقدم لم تحصل للهيئه ولم تدفع لاننا كنا بالمراحل السابق دفعة الاسكان الاجتماعي 1% بتكون مدونه في خانه لوحدها وبتكون واضحه اما بالخامسه شالوها وكتبو ان الدفعه المقدمه مع الاسكان الاجتماعي لذلك اعتقد موظفي الاجهزه انها لم تحصل وبداو يحصلوها تاني وياخدو 2.5% وعندما تحركنا واثبتنا الخطأ تم تغيير الوضع وقالو للناس اللي تم التحصيل منهم الفلوس الزياده انها هترجعلهم مع الاقساط وكانو مش كتير يعني بالنهايه اصبح المدفوع من المرحله الخامسه الي الان نفس النسبه 2.5%… فبعض الاشخاص اعتقد انهم بيرجعو الفلوس دي وبيطالب بارجاع الفلوس اسوة بالمرحله الخامسه والخطأ انه بيحس الناس انهم يروحو يستردو اللي من المرحله التانيه والتالته مع ان المراحل دي كانت 2% فقط واحد اسكان اجتماعي وواحد بالميه مجلس امناء .. يعني اقل اصلا من المراحل التاليه . وفين هنا اسوة بالمرحله الخامسه .. لذلك حبيت اوضح ان مفيش الكلام ده والكلام المنشور منه المفروض يقول نتمني انهم يرجعو فلوس الاسكان الاجتماعي او مجلس الامناء .. لكن ميقولش اسوة بالخامسه لانه محصلش ارجاع بالخامسه خالص كما سردت وحبيت اوضح اللبس وكل واحد حر يقول اللي هوا عايزه ويطالب باي حاجه بس يقول المظبوط عشان فيه ناس هتفهم الكلام غلط .. شكرا جزيلا

.