#تحذير كل طرح جديد بينزل من وزارة الاسكان بنلاقي ناس بتقدم بأسماء أشخاص في الطروحات والناس دي سواء كانوا معرفة او غرباء في مقابل مبلغ يتم دفعه لهم في حالة الفوز بالشقة او الارض ومقدمات طرح الداخل بتكون مقدمات صغيرة مق…\ ص_

#تحذير

كل طرح جديد بينزل من وزارة الاسكان
بنلاقي ناس بتقدم بأسماء أشخاص في الطروحات
والناس دي سواء كانوا معرفة او غرباء في مقابل مبلغ يتم دفعه لهم في حالة الفوز بالشقة او الارض

ومقدمات طرح الداخل بتكون مقدمات صغيرة مقارنة بمقدمات مشروع بيت الوطن اللي بتكون متوسط الحوالة ٢٠ ألف دولار ( يعني بتبدأ من مليون جنيه )

طبعا اللي هايقدم باسمه أكيد هايكتب عقد اتفاق علشان يضمن حقه في المبلغ اللي دفعه مقدم

المشكلة بقي أن النظري حاجة والعملي حاجة تانية

اللي بيحصل بقي أن اللي باسمه التخصيص بيطمع علي الارض وبيرفض يتنازل لشريكه اللي هو دافع الفلوس كاملة في مقابل زيادة المبلغ المتفق عليه

ويستمر الابتزاز بين الشخصين والتشهير ببعض
وقد يتم الالتجاء للمحاكم بناء علي عقد الاتفاق المكتوب وللاسف القضايا في المحاكم تستغرق سنوات طويلة

#نصيحة

عايز تقدم بأسم شخص في اي طرح لازم يكون قريب ليك كدرجة أولي ، لو ملقتش يبقي متقدمش بأسم حد غريب حتي لو كان صديقك

فيه طمع بيحصل في الطروحات دي

وبالفعل حصل في طرح منصة مصر العقارية
واللي باسمه الشقة بيبتز صاحب الفلوس وعايز ياخد الاوفر كامل 😞

قدمك بنفسك ولو الشروط تمنعك بلاش الاستعانة بأسماء أشخاص أخرين زي ما هو موضح في الصورة

اللي باسمه الارض هو المتحكم الوحيد في التخصيص ومتقدرش تعمل حاجة الا بارادته

أتمني تكون نصيحتي وصلت للناس اللي عايزة تعمل كده

تحياتي للجميع 🌹🌹

.
خبر ومعلومة من وزارة الإسكان
وزارة الإسكان والمرافق والمجتمعات العمرانية

.