#تنويه
ايه اللي بيحصل ده ???
واحد مثلا مسجل علي الموقع وحسابه مفعل وكله تمام
ومأجل أستخراج استمارة الحجز لآخر ١٥ يوم في التقديم
تيجي حضرتك تحذف له حسابه علشان معملش أستمارة
وبعد كده يجي يسجل من جديد ، الموقع يعمله بلوك ??
كده ممكن تزيد المشاكل أكتر مع الموقع في الأيام المقبلة
واضح أنهم عملوا كده علشان مفيش مساحة كافية علي الموقع
#ميصحش كده
#تحديث
طبعا مسئولي الموقع أضطروا يعملوا كده علشان عدد الحسابات الكثيرة اللي كان التجار بيعملوها علي الموقع للتمويه
يعني التاجر يسجل علي الموقع ب ٣٠٠ أكونت فيك
ويدخل يعمل حجز مبدئي علي ٥ قطع بالاكونتات الفيك
وبالتالي هايظهر علي عدد القطع أن العدد المتقدم كتيررررر
وبكده حضرتك كنت بتروح تقدم علي قطعة يكون فيها العدد أقل
شوفتوا ايه اللي كان بيحصل من لعب التجار بالاكونتات الفيك
وطبعا الاكونتات الفيك دي مكنش بيدفع لهم مقدم الحجز
كان بس بيضخم العدد علي القطع
هي خطوة ممتازة لكن هايضيع فيها اللي لسه مسددش علي مشروع معين ، هايرجع يسجل من جديد
#شهادة حق ??
خبر ومعلومة من وزارة الإسكان
مسئولين متعرفش بيفكروا ازاي مصر مش هتتغير قرارات في يوم وليلة طب انت هتعمل كدة اعلن ان خلال اسبوع اي شخص محجزش اي حاجة هيتم حذف الحساب متجيش يوم وليلة تقرر قرار زي دة لان ناس كتيرة وانا منهم لسة بنفكر هنحجز فين الطرح كبير ومدن كتيرة ومحتاج الناس تفكر … حسبنا الله ونعم الوكيل
هو الكلام ده على حسابات الخاصة بحجز الأراضي ولا الشقق بردة ؟؟
أرجو الرد
خطوة ممتازة عشان كده تيجي تدخل على قطعة تلاقي بالافين والتلاتة حاجزين وتيجي في القرعة تلاقيهم بقوا ٥٠٠ بقدرة قادر ده سحر ولا ايه ?? اتاريهم حسابات وهمية بأرقام ناس حقيقة ولا الخيال ?? اديني عقلك . وكله عشان يطفش الناس من حجز قطعة معينة . حقيقي شااااااابو لمهندس الموقع والهيئة ???
عملوا كده علشان يضغطوا على الناس في دفع جدية الحجز بدري علشان يستفادوا من فوائد الفلوس دي اكبر فترة ممكنه?
تصرف غير صحيح مطلقا
طب ساعتها لما الاعداد الكتيرة دي ترجع تسجل وتدفع هايعمل ايه في مشكلة المساحة وقتها ؟؟
لانه نفرض ان الناس دي هي ناس حقيقية ومش معها فلوس ومستنية تدفع.. تقوم تحذفها وتخليهم يعملوا حسابات من تاني … فيقابلوا مشاكل في التسجيل عشان الموقع قديم
او يقابلوا مشكلة عشان مفيش مساحة عشان المسؤولين مش عايزين يزودو مساحة مثلا ١٠٠ جيجا ويشتغلوا على سيرفر محترم ب الف ولا الفين دولار في السنة
مااهما زودو على الناس تمن كراسة الشروط وخلوها ١٠٠٠ بدل ٥٠٠ جنيه
هل شهاده الدخل من محاسب قانوني معتمد للعمل الحر مدون به عنوان مكتب المحاسب القانوني في نطاق محافظه الجيزه تكفي أنه يقدم في أكتوبر برجاء الرد لان البند ده محتاج توضيح من حضرتك يا بشمهندس احمد ضروري خبر ومعلومة من وزارة الإسكان
تهريج استخفاف بالناس.
مثلا معنديش امكانيه احجز في الطرح دا
ايه المشكلة يكون ليا حساب مش عارف الهيئة بتفكر ازاي
لا طبعا كدة هيخلي الناس اللي فعلا عايزة تحجز تسجل حساب بنفسها
فيه ناس كان عندهم حسابات ميعرفوش عنها حاجة، كانت مكاتب بتعمل الحساب ببطايق الناس ويسجلوا ارقام وايميلات المكتب
فيجي الشخص نفسه عايز يحجز لنفسه ميعرفش ولا يعرف الايميل ولا رقم التليفون اللي متسجل بيه بطاقته
عملوا كدا علشان الاف الحسابات اللي كانت الناس عملاها فى سايبر ومفعلة ومالهاش حل غير انهم يروحوا مقر الهيئة فى العاصمة الادارية علشان هما مش عارفين الايميل اللي اتعمل بيه الحساب. اللي اتحذفوا اللي معملوش حجز يعني حسابهم مالهوش حجز فى اي موقع من مواقع مسكن الاربعة
اوعه كده في غيرك داخل يدفع ?
خبر ومعلومة من وزارة الإسكان