النهاردة بتكلم من قلبي واتمني إنكم تاخدو كلامى بنية حسنه لأن حقيقي هو ده اللي فى قلبي
..
كلنا شوفنا طرح تكميلية المرحلة السابعة من قطع أراضي المصريين بالخارج فى مدن الشروق و العبور و السادات و 6 أكتوبر و القاهرة الجديدة و دمياط الجديدة وبعد نزول السعر والخرائط إمبارح على موقع الهيئة تواصل معايا عدد كبير من زملائى واخواتى و خبرات ليها باع فى السوق العقاري وخاصة على أرض الوقع قدرنا نحط إيدينا على أهم الأسباب اللى مسببه إن عملية الطرح غير موفقة من وجهه نظرنا..
1) الطروحات الكثيرة فى فترة قصيرة جدااا وانعكاس ده على السوق بشكل عام
2) التأخر فى كل ما يتعلق ب مراحل ما بعد حجز الأراضي أون لاين وتسديد ثمن الحجز ، وبالأخص الأراضي المحجوزه من فترة كبيرة توصل في بعض الأحيان لخمس سنوات تأخير في التسليم عن الموعد المتفق عليه من قبل الهيئة !!!!
3) البيئة العامه ال غير مشجعه للإستثمار وخاصة فى الفترة الحالية و خصوصاً مع ارتفاع سعر الأرض في شمال الرحاب بزيادة عن المرحلة الأساسية 50 دولار
وللأسف مفيش تفسير مقنع لده إطلاقاً
4) إختلاف الأسعار و عدم وجود مبدأ العدالة فى توزيع الأسعار وخاصة فى الطروحات الجديدة وما قبلها و ذكرنا ليها مثال فى الفيديو
….
أكيد احنا مش بنطرح مشاكل بس لان مصلحتنا هى مصلحة السوق العقارى بشكل أشمل و سمعته فى المنطقه بشكل أعم و بالاخص إنه من أكبر الاسواق فى المنطقه وله نصيب مش قليل
..طرحنا بعض الحلول ? اللى من وجهة نظرنا إنها هتساهم بحل مع المشاكل الحالية وأكيد حابب إنكم تشاركونا الرأى ونسمع ونتناقش?
بشكل عام إحنا بنتناقش علشان نوصل لأفضل حل في مصلحة السوق بشكل عام وفى نفس الوقت يحقق كل المصالح لكل الاطراف ، وأرجو إنى أكون ضيف خفيف عليكو وان محدش يزعل منى لأننا كلنا عايزين ندعم مصلحة البلد والإقتصاد و الشكل العام اللى هنظهر بيه قصاد المنطقه والعالم ، وان شاء الله نكون عند حسن ظن الناس بينا ونحقق الهدف المطلوب اللى في مصلحة البلد أولاُ و السوق بشكل عام?
#طروحات_الدولة
#مستشارك_العقارى
#مروان_فارس
source
#مروان
بالتوفيق باشمهندس
ممكن رابط اخر طرح وهل مازال هناك مجال للتقديم؟
شرح ممتاز ورؤية مستقبلة منطقية….الدولة بهذا الأسلوب الغير مدروس ستوقف السوق العقارى تماما وستشله فى غضون 3-5 سنوات …كمية طروحات غيرمسبوقة فى وقت به أزمة إقتصادية عالمية
كل ده و المعروض سواء اراضي او شقق غالية جدا مش للعامة ده لناس مخصوص للاسف
يسلم لسانك
ربنا يوفقك ياهندسه
عاوزين حلقه من العبور الجديده على الطبيعه
الاسكان العائلي 276متر
وشرح للنموذجين اللي الجهاز بيلزمك بيهم
والافضل من وجهة نظرك؟
علي فكره النموذجين دول موحدين علي مستوي الجمهويه